Sembulo 21:2 - Siswati 1996 Bible

² Ngabona likhaya lelingcwele, iJerusalema Lensha, lehla liphuma ezulwini kuNkulunkulu, lilungiswe kahle lahlotjiswa njengamakoti ahlobele kuyawuhlangabeta umyeni wakhe emshadweni.

Sembulo 21:2 Referencias Cruzadas

Tihlabelelo 87:3

Maye, kuhle loko lokukhulunywa ngawe, wena khaya laNkulunkulu: Cabanga.

Isaya 1:21

Ase nibuke kutsi lelidolobha lebeletsembekile seligucuke laba yingwadla kanjani! Lona lake lagcwala umtsetfocotfo, belilikhaya lekulunga, kodvwa manje seligcwele babulali!

Isaya 52:1

Vuka, vuka, wena Siyoni, yembatsa emandla. Yembatsa tingubo takho tebukhosi, wena Jerusalema, dolobha lelingcwele. Labangakasoki nalabangcolile bangeke baphindze bangene emasangweni akho.

Isaya 54:5

Ngobe uMenti wakho yindvodza yakho, nguSimakadze longuSomandla libito lakhe, Longcwele waka-Israyeli unguMhlengi wakho, ubitwa ngekutsi nguNkulunkulu wemhlaba wonkhe.

Isaya 61:10

Ngiyajabula kakhulu ngaSimakadze; umphefumulo wami uyajabula ngaNkulunkulu wami. Ngobe ungembatsise ngetingubo tensindziso, wangihlobisa ngemjiva wekulunga, njengemyeni ahlobisa inhloko yakhe njengemphristi, nanjengamakoti lotihlobise ngebuhlalu bakhe.

Isaya 62:4

Abasayiwukubita ngekutsi unguLahliwe, nome betse live lakini batsi nguShiywayedvwa. Kodvwa uyawubitwa ngekutsi unguHefsiba, nelive lakini kutsiwe yiBhewula, ngobe Simakadze uyawujabula ngawe, nelive lakini liyakwendza kuye.

Jeremiya 31:23

Naku lokushiwo nguSimakadze longuSomandla, Nkulunkulu wema-Israyeli, utsi: “Ngiyawutsi nangibabuyisa ekutfunjweni, bantfu labaseveni lakaJuda nasemadolobheni akhona bayawuphindze basebentise nankha emagama batsi: ‘Simakadze akakubusise, awu wenandlu yekulunga, awu wena ntsaba lengcwele.’

Johane 3:29

Lowo lonamakoti ungumyeni; kepha umngani wemyeni nakaliva livi lemyeni, ujabula kakhulu. Ngako-ke lenjabulo yami seyiphelele.

2 kubaseKorinthe 11:2

Nginesikhwele ngani, sikhwele saNkulunkulu; ngobe nganendzisa njengentfombi lengenasici, nganetfula kuKhristu, lekunguyona ndvodza yenu leyodvwana.

KumaHebheru 11:10

ngobe Abrahama abebheke lelo khaya lelinetisekelo, lelimsunguli nemakhi walo kunguNkulunkulu.

KumaHebheru 11:16

Esikhundleni saloko, babelangatelela live lelincono, lokusho kutsi: lizulu. Ngako-ke Nkulunkulu akanamahloni kutibita ngekutsi nguNkulunkulu wabo, ngobe ubalungiselele lelo khaya.

KumaHebheru 12:22

Kodvwa, esikhundleni saloko, nite entsabeni, Siyoni, ekhaya laNkulunkulu lophilako, eJerusalema yasezulwini, esibhimbini setingilosi letingenawubalwa,

KumaHebheru 13:14

ngobe lapha site likhaya lelitawuma kuze kube phakadze, kodvwa sifuna likhaya lelitako.

Sembulo 1:1

Lesi Sembulo saJesu Khristu, lasiniketwa nguNkulunkulu kutsi akhombise tinceku takhe loko lokufanele kwenteke masinyane. Letintfo watembula ngekutfumela ingilosi yakhe encekwini yakhe lenguJohane.

Sembulo 1:4

Lencwadzi iphuma kuJohane, iya emabandleni lasikhombisa lase-Asiya. Akube kini umusa nekuthula lokuvela kuye labekhona, nalokhona, nalotako, nakuyo imimoya lesikhombisa lesembikwesihlalo sakhe sebukhosi,

Sembulo 1:9

Mine Johane, umzalwane wenu, nginesabelo kanye nani kuJesu ekuhlushweni, nasebukhosini, nasekuciniseleni. Ngangisesichingini, lesibitwa ngekutsi yiPhatmose, ngenca yekushumayela livi laNkulunkulu ngekufakaza ngaJesu.

Sembulo 11:2

Kodvwa ungasilinganisi sibuya lesingephandle kwalelithempeli, ngobe siniketwe betive labayakuwugcobagcoba lomuti longcwele tinyanga letingema-42.

Sembulo 21:10

Yangitsatsa ngikuMoya, yangibeka esicongweni sentsaba lephakeme kakhulu. Yangikhombisa likhaya lelingcwele, iJerusalema Lensha, lehla, liphuma kuNkulunkulu ezulwini.

Sembulo 21:9

Lenye yaletingilosi letisikhombisa letatiphetse titja letatigcwele tinhlupheko tekugcina letisikhombisa yeta kimi, yafike yatsi: “Kota, ngitekukhombisa makoti, umkaWundlu.”

Sembulo 22:17

Moya namakoti batsi: “Kota!” Wonkhe umuntfu lovako akatsi: “Kota!” Lowo lowomile akete; nalowo lofuna emanti ekuphila, akawanatse mahhala.

Sembulo 22:19

Nakukhona lowaphungulako lamavi alesiphrofetho lesikulencwadzi, naNkulunkulu uyawuphungula sabelo sakhe esihlahleni sekuphila nasekhaya lelingcwele, njengobe sekuchaziwe kulencwadzi.

Sembulo 3:12

“ ‘Loncobako ngiyawumenta insika ethempelini laNkulunkulu wami, angeke aphume kulo, ngiyawubhala kuye libito laNkulunkulu wami, ngibhale nelibito lemuti waNkulunkulu wami, iJerusalema lensha leyehla iphuma ezulwini kuNkulunkulu wami, nelibito lami lelisha ngilibhale kuye.