Sembulo 21:19 - Siswati 1996 Bible

¹⁹ Tisekelo talolubondza lwalelikhaya betihlotjiswe ngematje laligugu nalatinhlobonhlobo: Litje lesisekelo sekucala bekuyijasiphi, lesibili kuyisafire, lesitsatfu kuyikhalkedoni, lesine kuyisimaragidu,

Sembulo 21:19 Referencias Cruzadas

Taga 3:15

Kuhlakanipha kuligugu kakhulu, kwengca ematje laligugu; kute lokufisako longakulinganisa nako.

Hezekeli 28:13

Wawuse-Edeni, sivandze saNkulunkulu. Wawuhlotjiswe ngawo onkhe ematje laligugu: ngemarubhi, nangemathophazi, nangema-emeraldi, nangemakhrisolithe, nangema-oniksi, nangemajasiphi, nangemasafire, nangemathekhosi, nangemabherili. Kwekuhlanganisa lamatje akho laligugu nekwekuwanamatsisela kwakwentiwe ngegolide. Kwalungiswa kahle konkhe loko ngelilanga lowadalwa ngalo.

Sembulo 21:11

Lalinenkhatimulo yaNkulunkulu. Kukhanya kwalo kwakumengetela njengelitje leliligugu nalelidule kakhulu; lalinjengejasiphi lecwebetelako.

Sembulo 4:3

Nalowo labehleti kuso abenebuso lobukhatimulisa kwelitje lejasiphe nesadiyu; lesihlalo sebukhosi sasitungeletwe ngumushi wenkosazana lowawufanana nelitje leliluhlata leliligugu.