Sembulo 21:12 - Siswati 1996 Bible

¹² Belinelubondza loludze loluphakeme kakhulu, lunemasango lali-12. Kulamasango bekunetingilosi letili-12. Bekubhalwe kuwo emabito etive letili-12, emadvodzana a-Israyeli.

Sembulo 21:12 Referencias Cruzadas

2 Tikhronike 9:19

Emabhubesi lali-12 abeme kuletitebhisi, linye ngala nalelinye ngale kwesitebhisi sisinye. Kute lokufanana naloko lokwase kwentiwa ngisho nome ngukumuphi umbuso.

Ezra 9:9

Nome sitigcili nje, Nkulunkulu wetfu akasilahli ekuboshweni kwetfu. Usentele sihawu emehlweni emakhosi asePheresiya, ngekutsi usiphe kuphila lokusha kutsi sakhe kabusha indlu yaNkulunkulu wetfu nekutsi sivusetele tibondza tayo, waphindze wasipha lubondza lwekuvikeleka kaJuda naseJerusalema.

Nehemiya 12:27

Ngesikhatsi sekunikelwa kwelubondza lweJerusalema, emaLevi afunwa aze atfolakala lapho abehlala khona, atsatfwa aletfwa eJerusalema kutsi atewungenela lomkhosi ngenjabulo, nangetingoma tekubonga, nangemculo wabokhencekhence, newemahabhu, newemalire lanetintsambo letinyenti.

Tihlabelelo 122:7

Akube nekuthula ngekhatsi kwetindvonga takho, kube nekuphepha etigodlweni takho.”

Tihlabelelo 51:18

Yentela iSiyoni lokuhle ngekwemusa wakho, utakhe kabusha tindvonga taseJerusalema.

Eksodusi 28:21

Kufanele kube nematje lali-12, ngulelo nalelo litje libe nelibito lendvodzana ya-Israyeli; ngulelo nalelo litje libekwe luphawu ngekusikwa kwelibito lesive setive letili-12 taka-Israyeli.

Isaya 54:12

Imibhoshongo yakho ngiyakuyenta ngemarubhi, emasango akho ngiwente ngematje lamanyatelako, nato tonkhe tibondza takho ngitente ngematje laligugu.

Isaya 60:18

Akuseyiwuba nekulwa eveni lakho, kuyawubate incitsakalo nembhubhiso emikhawulweni yelive lakho. Kodvwa uyawubita tibondza takho ngekutsi yiNsindziso, nemasango akho ngekutsi Ludvumo.

Matewu 18:10

“Caphelani ningedzeleli ngisho namunye kulaba labancane; ngobe ngitsi kini: Tingilosi tabo ezulwini tibubona njalo buso baBabe losezulwini. [

Lukha 15:10

Jesu wachubeka watsi: “Ngalokufananako-ke, ngitsi kini: Tingilosi taNkulunkulu tiyawutfokota ngesoni sinye lesiphendvukako.”

Lukha 16:22

“Lendvodza leluphuya yafa yemukelwa tingilosi, tayiyisa edzilini lasezulwini, lapho tefike tayibeka edvute na-Abrahama; nesicebi safa sangcwatjwa.

Imisebenti yebaPhostoli 26:7

Ngiso lesetsembiso lesasibhekwe tive takitsi letili-12 kutsi sigcwaliseke, njengobe tikhonta Nkulunkulu ngesineke imini nebusuku. Nguleso setsembiso-ke, Nkhosi, langibeke licala ngaso emaJuda.

KumaHebheru 1:14

Tiyini tona tingilosi? Tingimimoya yekusebentela Nkulunkulu, letfunyelwe kutawusita labo labayawudla lifa lensindziso.

Sembulo 21:13

Bekunemasango lamatsatfu ngasemphumalanga, nangasenyakatfo amatsatfu, nangaseningizimu amatsatfu, nangasenshonalanga amatsatfu.

Sembulo 21:15

Lengilosi lebeyikhuluma nami beyiphetse indvuku yegolide yekukala lelikhaya, nemasango alo kanye nelubondza lwalo.

Sembulo 21:25

Emasango alo ayawuhlala avuliwe sonkhe sikhatsi, ngobe sekuyawubate busuku.

Sembulo 22:14

“Babusisiwe labo labatigezako tingubo tabo, kuze kutsi babe nelilungelo lekudla esihlahleni sekuphila, babe nelilungelo lekungena ngemasango ekhaya.