Sembulo 19:6 - Siswati 1996 Bible

⁶ Ngase ngiva lokwakungatsi livi lesicumbi lesikhulu sebantfu, linjengemsindvo wemanti lamanyenti nanjengekudvuma lokukhulu litsi: “Haleluya! INkhosi yetfu, Nkulunkulu Somandla, iyabusa.

Sembulo 19:6 Referencias Cruzadas

Jobe 40:9

Unawo yini umkhono lofanana newaNkulunkulu? Lona liphimbo lakho liyadvuma yini njengelakhe?

Tihlabelelo 47:2

Ngobe Simakadze, Losetikwako Konkhe uyesabeka, uyiNkhosi lenkhulu etikwemhlaba wonkhe.

Tihlabelelo 47:7

Ngobe Nkulunkulu uyiNkhosi yemhlaba wonkhe, mdvumiseni ngetihlabelelo.

Tihlabelelo 77:18

Siphepho sasinemsindvo wekudvuma, kwaphambana imibane, kwakhanya umhlaba, umhlaba wagidzitela watamatama.

Tihlabelelo 93:1

Simakadze uyabusa, wembetse inkhatimulo, Simakadze wembetse, wavunula emandla. Ngempela, umhlaba wonkhe utintile, ungeke utanyatanyiswe.

Tihlabelelo 97:1

Simakadze uyabusa, umhlaba awujabule netichingi tonkhe tijabule.

Tihlabelelo 97:12

Tfokotani nijabule nine lenilungile, bongani libito lakhe lelingcwele.

Tihlabelelo 99:1

Simakadze uyabusa! Tive atitfutfumele! Uhleti etikwemakherubhi. Umhlaba awutfutfumele!

Isaya 52:7

Maye, tinhle etintsabeni tinyawo talabo labashumayela tindzaba letimnandzi, labamemetela kuthula, baletse tindzaba letimnandzi, bamemetele insindziso kuyo iSiyoni, batsi: “Nkulunkulu wakho uyabusa!”

Jeremiya 51:48

Ngulapho-ke lizulu nemhlaba nako konkhe lokukuko kuyawumemeta ngenjabulo ngeBhabhulona, ngobe kuyawuchamuka babhubhisi ngasenyakatfo bateyihlasela,” kusho Simakadze.

Hezekeli 1:24

Tatitsi natihamba letidalwa, ngive umsindvo wetimphiko tato unjengekudvuma kwemanti lagijimako, nanjengeliphimbo laSomandla, nanjengemdvumo wemphi. Tatitsi natima, tehlise timphiko tato.

Hezekeli 43:2

lapho ngabona khona inkhatimulo yebukhona baNkulunkulu wema-Israyeli ichamuka ngasemphumalanga. Livi lakhe lalifanana nekudvuma kwemabhudlo emanti, live lalicwebetela ngenca yenkhatimulo yakhe.

Matewu 6:13

Ungasingenisi ekulingweni, kodvwa usisindzise kulokubi. [Ngobe umbuso wakho, nemandla, nebukhosi, kuze kube phakadze. Amen.]’

Sembulo 1:15

Tinyawo takhe tatifanana nelitfusi lelilolongwe lacoliswa ngemlilo, livi lakhe lalifanana nekudvuma kwemanti lamanyenti.

Sembulo 1:8

“Mine ngingu-Alfa na-Omega,” kusho iNkhosi, Nkulunkulu, Somandla lokhona, nalabekhona, nalotako.

Sembulo 12:10

Ngeva livi lelikhulu ezulwini litsi: “Nyalo insindziso, nemandla, nebukhosi sekwaNkulunkulu wetfu, neligunya selaKhristu wakhe; ngobe sewulahlelwe phansi ummangaleli lomangalela bazalwane betfu kuNkulunkulu, imini nebusuku.

Sembulo 14:2

Ngeva livi liphuma ezulwini lelevakala lifanana nemabhudlo emanti, lifanana nekudvuma lokukhulu. Lelivi lalifanana nekuhlabela kwetingitali tishaywa bashayi bato.

Sembulo 19:1

Emvakwaloko ngeva shangatsi livi lelikhulu lesicumbi lesikhulu sihlabela ezulwini sitsi: “Haleluya! Insindziso, nenkhatimulo, nemandla kwaNkulunkulu wetfu;

Sembulo 19:4

Emalunga langema-24 netidalwa letine tawa phansi takhonta Nkulunkulu lohleti esihlalweni sebukhosi tatsi: “Amen! Haleluya!”

Sembulo 21:22

Angizange ngilibone lithempeli kulelo khaya, ngobe iNkhosi Nkulunkulu, Somandla, neliWundlu bekungulona lithempeli lalo.

Sembulo 4:5

Kulesihlalo sebukhosi bekuphuma imibane, nemavi, nekudvuma. Embikwaso bekuvutsa tidlwane letisikhombisa letingimimoya lesikhombisa yaNkulunkulu.

Sembulo 6:1

Ngabona liWundlu licatulula lolunye lwaletimphawu letisikhombisa, ngeva lesinye saletidalwa letine sikhuluma ngelivi lekudvuma sitsi: “Wota!”

Sembulo 8:5

Lengilosi yasitsatsa lesitja yasigcwalisa ngemlilo lowawuselatini, yawujikijela emhlabeni; kwase kuba khona kudvuma, nemavi, nemibane nekutamatama kwemhlaba.