Sembulo 19:20 - Siswati 1996 Bible

²⁰ Kodvwa lesilo satfunjwa, kanye nemphrofethi wemanga labenta tibonakaliso tekudukisa labo labaneluphawu lwesilo nalabasikhonta ngekukhotsamela lomfanekiso waso. Bobabili bajikijelwa baphila echibini lemlilo lelivutsa sibabule.

Sembulo 19:20 Referencias Cruzadas

Genesisi 19:24

Simakadze wanisa imvula yesibabule nemlilo, iphuma ezulwini, kwana etikweSodoma neGomora.

Jobe 18:15

Ekhaya lakhe sekubusela umlilo, sibabule lesivutsako sisakatwe lapho ahlala khona.

Tihlabelelo 11:6

Lababi uyawubehlisela imvula yemalahle lavutsako nesibabule, abajezise ngemoya lohhusha kabuhlungu.

Isaya 30:33

IThofethi seyalungiswa kadzeni, yentiwa yalungela inkhosi. Umgodzi wayo wemlilo sewagujwa waba banti wabuye washona, kwatfotwa netinkhuni letinyenti temlilo; kuphefumula kwaSimakadze lokugeleta njengemfula wesibabule lesivutsako kuyakuyilumeka ivutse.

Isaya 34:9

Imifudlana yaka-Edomu iyawuba litiyela, lutfuli lwakhona lube sibabule lesivutsako, live labo libe litiyela lelivutsako.

Hezekeli 24:5

khetsa telikhetselo emhlambini wetimvu. Fumbela tinkhuni ngaphansi kwalo wentele lamatsambo, ubase kuze kubile, upheke lamatsambo lasebhodweni.

Hezekeli 38:22

Ngiyawukhipha sigwebo sesifo lesibulalanako nesekucitseka kwengati; ngiyakwehlisela sihhuhhula semvula lenesangcotfo nesibabule lesivutsako etikwakhe nasetikwemabutfo akhe, nasetikwetive letinyenti letikanye naye.

Danyela 11:45

Iyawumisa emathende ayo ebukhosi emkhatsini wetilwandle entsabeni lenhle nalengcwele. Noko iyawufika esiphetfweni sayo, futsi kute namunye loyawuyilamulela.”

Danyela 8:24

Iyawuba nemandla kakhulu, kodvwa hhayi ngekwemandla ayo. Iyawukwenta umonakalo lowesabekako, iphumelele kuko konkhe leyikwentako. Iyawubhubhisa emadvodza lanemandla lamakhulu nesive lesingcwele.

Danyela 8:26

“Lombono wemihlatjelo yasebusuku neyasekuseni lowukhonjisiwe uliciniso, kodvwa uwugcine usifuba sakho, ngobe wona umacondzana netikhatsi tekugcina.”

Matewu 7:15

“Caphelani baphrofethi bemanga, labeta kini banjengetimvu ngaphandle, kodvwa ngekhatsi banjengetimphisi letibukhali.

Dutheronomi 29:23

Live lonkhe liyawuba luswayi lolungenamsebenti lolubhadlako nesibabule. Kute lokuyawuhlanyelwa, kute lokuyawumila, kute nakunye lokuluhlata lokuyawuhluma kulelo live. Kuyawufanana nekubhujiswa kweGomora neSodoma, i-Adma neSeboyimu, Simakadze lakubhubhisa ngalolulaka lolwesabekako.

Joshuwa 8:23

Kodvwa lenkhosi yase-Ayi bayitsatsa iphila, bayimikisa kuJoshuwa.

Sembulo 14:10

uyawunatsa liwayini lentfukutselo yaNkulunkulu lelinekuphelela kwemandla alo latselwa endzebeni yelulaka lwakhe. Uyawuhlushwa aviswe buhlungu ngemlilo nangesibabule, embikwetingilosi letingcwele nasembikweliWundlu.

Sembulo 17:12

“Letimphondvo letilishumi lotibonile tingemakhosi lalishumi lasengakacali kubusa, kodvwa ayakwemukeliswa emandla ekubusa kanye nesilo sikhashana nje.

Sembulo 19:19

Ngabona silo, nemakhosi emhlaba, nemabutfo awo ahlanganela kuyawulwa nalowo labegibele lihhashi lelimhlophe, kanye nelibutfo lakhe.

Sembulo 20:10

Sathane labedukise leto tive wabanjwa, wajikwa echibini lemlilo lonesibabule, lapho bekukhona khona silo kanye nemphrofethi wemanga. Bayawuhlushwa batfoseke imini nebusuku phakadze naphakadze.

Sembulo 21:8

Kodvwa sabelo semagwala, nalabangakholwa, nalabanengekako, nebabulali, netingwadla, netiphingi, nebatsakatsi, nalabakhonta tithico, nalabacala emanga, kuyawuba lichibi lelivutsa umlilo nesibabule; loku kufa kwesibili.”

Sembulo 22:15

Kepha ngephandle kunetinja, nebatsakatsi, netingwadla, netiphingi, nebabulali, nalabakhonta tithico, nabo bonkhe labatsandza kucala emanga ngekukhuluma nangetento.

Sembulo 9:17

Embonweni wami lamahhashi ngawabona anje: Labagibeli babefake tivikelo tetifuba letatibovu njengemlilo, netesafire, netesibabule; tinhloko temahhashi tatinjengetinhloko temabhubesi, emilonyeni yawo kuphuma umlilo, nentfutfu, nesibabule.