Sembulo 19:17 - Siswati 1996 Bible

¹⁷ Ngase ngibona ingilosi ime elangeni, yamemeta ngelivi lelikhulu ibita tonkhe tinyoni letindiza emoyeni yatsi: “Butsanani nonkhe nite edzilini lelikhulu laNkulunkulu.

Sembulo 19:17 Referencias Cruzadas

Isaya 29:2

Noko ngiyakuvimbetela i-Ariyeli, iyawukhala ilile kimi, iyawuba njengelilati lemlilo.

Isaya 56:9

Wotani, nonkhe nine tilwane tesiganga, wotani nitewudla, nonkhe nine tilwane telihlatsi!

Jeremiya 12:9

Lifa lami alifanani yini kimi nenyoni yekuhlasela lengemabhadvubhadvu letungeletwa nguletinye tinyoni tekuhlasela? Hambani niyewubutsa tonkhe tilwane tesiganga, nitiletse titewudla.

Hezekeli 31:13

Tonkhe tinyoni tasemoyeni tahlala etikwalesihlahla lesiwile, nato tonkhe tilwane tesiganga tabasemkhatsini walamagala awo.

Sembulo 14:6

Ngase ngibona lenye ingilosi indiza emkhatsini esibhakabhakeni, iphetse liVangeli lelingunaphakadze lekushunyayelwa kulabo labahlala emhlabeni, etiveni tonkhe, nasemindenini yonkhe, nasetilimini tonkhe, nakubantfu bonkhe.

Sembulo 19:21

Laba labanye babulawa ngenkemba lephuma emlonyeni walowo logibele lihhashi. Tonkhe tinyoni tesutsa inyama yetidvumbu tabo.

Sembulo 8:13

Kwatsi kusenjalo ngabona lusweti lundiza emkhatsini welizulu. Ngaluva lumemeta ngelivi lelikhulu lutsi: “Maye! Maye! Maye kulabakhile emhlabeni, nasekukhala emacilongo lasetawushaywa tingilosi letintsatfu!”

1 Samuweli 17:44

watsi: “Buya lapha kimi, sidvumbu sakho ngitasinika tinyoni telizulu netilwane tesiganga.”