Sembulo 18:8 - Siswati 1996 Bible

⁸ Ngako-ke tinhlupheko tayo tiyawufika ngalanga linye: kufa, lusizi, nendlala. Iyawushiswa ngemlilo, ngobe inemandla iNkhosi Nkulunkulu leyehlulelako.”

Sembulo 18:8 Referencias Cruzadas

Jobe 9:19

Nangabe kukhulunywa ngetemandla, unemandla! Nangabe kukhulunywa ngetekulunga, ngubani longahle abhejelane naye?

Tihlabelelo 62:11

Nkulunkulu ukhulume kanye, ngeva kwaba kubili: kutsi emandla ngakho, Nkulunkulu,

Isaya 27:1

Ngalelo langa Simakadze uyawujezisa ngenkemba yakhe leyesabekako, lenkhulu nalenemandla lamakhulu, uyawujezisa Leviyathani, inyoka lenyelelako, yebo, Leviyathani, inyoka letibutsako; yena uyawubulala silo saselwandle.

Isaya 9:14

Ngako Simakadze uyawujuba ka-Israyeli inhloko nemsila kokubili, ligala lelisundvu nemhlanga kokubili, ngalanga linye.

Jeremiya 50:31

“Buka la, ngimelene nawe, live lemaBhabhulona, awu, wena lotiphakamisako, ngobe lilanga lakho selifikile, sikhatsi sakho sekutsi ujeziswe,” kusho iNkhosi Simakadze lenguSomandla.

Jeremiya 50:34

Noko uMhlengi wabo unemandla; nguSimakadze Somandla libito lakhe. Uyakumela indzaba yabo ngemandla, kuze atewuletsa kuphumula eveni labo, kodvwa kungabi nakuthula kulabo labahlala eBhabhulona.

Jeremiya 51:58

Naku lokushiwo nguSimakadze longuSomandla, utsi: “Lubondza lolulicinsi lwaseBhabhulona luyakwendlaleka phansi, nemasango ayo laphakeme alunyekwe ngemlilo, bantfu batikhatsate ngelite, umshikashika wetive ungemafutsa nje ekubasela emalangabi.”

Jeremiya 51:6

“Phumani nibaleke eBhabhulona! Phephisani timphilo tenu! Ningabhujiswa ngenca yetono tayo. Sesikhatsi sekuphindzisela kwaSimakadze; utayikhokhela ngaloko lokuyifanele.

Joweli 2:11

Simakadze uyabhavumula embikwalemphi yakhe. Emabutfo akhe manyenti ngalokungabaleki; banemandla labo labalalela umyalo wakhe. Lilanga laSimakadze likhulu, liyesabeka. Ngubani nje longemelana nalo?

1 kubaseKorinthe 10:22

Sifuna kutsi iNkhosi ibe nesikhwele yini? Sinemandla yini kunayo?

Sembulo 11:17

atsi: “Siyakubonga, Nkhosi Nkulunkulu, Somandla, lokhona, nalabekhona, ngekutsi utsatse emandla akho lamakhulu, wabusa.

Sembulo 17:16

Letimphondvo letilishumi lotibonile nesilo tiyawuyitondza lengwadla; tiyawukutsatsa konkhe lenako tiyishiye ingcunu, tidle inyama yayo, tiyishise ngemlilo.

Sembulo 17:18

“Lomfati lombonile lidolobha lelikhulu lelibusa emakhosi emhlaba.”

Sembulo 18:17

Ngesikhashana nje yonkhe lengcebo seyicitsekile.’ ” “Bonkhe bashayeli bemikhumbi, kanye nalabahamba ngayo, nematilosi ayo, nabo bonkhe labasebenta elwandle bema bucalu.

Sembulo 18:19

Batitsela ngetintfuli etinhloko, balila, bakhala, bamemeta batsi: ‘Maye! Maye! Hhawu, yehheni, lelidolobha lelikhulu kangaka lelicebise bonkhe labanemikhumbi elwandle! Ngesikhashana nje lilahlekelwe ngiko konkhe.’ ”

Sembulo 19:3

Saphindze sahlabela satsi: “Haleluya! Intfutfu yekusha kwayo iyawubhunya yenyuke phakadze naphakadze.”