Sembulo 18:3 - Siswati 1996 Bible

³ Ngobe tonkhe tive tilinatsile liwayini lelinenkhanuko yebugwadla bayo. Emakhosi emhlaba aphinga nayo, nebahwebi basemhlabeni bacebile ngekutamasa kwayo.”

Sembulo 18:3 Referencias Cruzadas

Isaya 47:15

Nguloko nje kuphela labangakwentela kona, labo lebewushikashikeka nabo, solomane uhambisene nabo kusukela ebuntfwaneni. Ngulowo nalowo atichubekela ngekwakakhe kona; kute namunye longakusindzisa.”

Jeremiya 51:34

“Usidlile Nebukhadnezari, inkhosi yaseBhabhulona, wasicedza, wasenta saba ludziwo lolungenalutfo. Njenganyokangwenya usigwinyile, wagcwalisa sisu sakhe ngebumnandzi betfu, wabuya wasihlanta.

Jeremiya 51:7

IBhabhulona bekuyindzebe yegolide esandleni saSimakadze; yadzakisa wonkhe umhlaba. Tive tanatsa liwayini layo, ngako manje setiyahlanya.

Sililo 4:5

Labo labake badla kahle batamasa, nyalo sebangimizulane netindzindzi etitaladini. Labo lababekhuliswa ngaletibukhwebeletane, nyalo sebalala emataleni etincunjini temlotsa.

Nahume 3:4

Konkhe loku kuye ngebunyenti benkhanuko yengwadla lebukekako, umhhunguli wabo bonkhe butsi, ingwababane leyagcilata tive ngebugwadla bayo netive tonkhe ngebutsi bayo.

Lukha 7:25

Naniyewubonani? Naniyele kuyawubona indvodza legcoke tingubo letinhle nje kuphela? Empeleni anati yini kutsi bantfu labahlobe ngemvunulo lenhle batfolakala etigodlweni?

1 kuThimothi 5:11

Kodvwa bafelokati labasebancane ungababhalisi, ngobe nangabe tinkhanuko tabo tenyama setibenta besuke kuKhristu, babe sebafisa kwendza.

Sembulo 14:8

Ingilosi yesibili yalandzela yatsi: “Iwile, iwile iBhabhulona lenkhulu, leyenta tonkhe tive tinatse liwayini lebugwadla bayo!”

Sembulo 17:2

Emakhosi emhlaba aphingana nayo. Bonkhe bantfu bemhlaba badzakwa kunatsa liwayini lebugwadla bayo.”

Sembulo 18:19

Batitsela ngetintfuli etinhloko, balila, bakhala, bamemeta batsi: ‘Maye! Maye! Hhawu, yehheni, lelidolobha lelikhulu kangaka lelicebise bonkhe labanemikhumbi elwandle! Ngesikhashana nje lilahlekelwe ngiko konkhe.’ ”

Sembulo 18:23

Kungeke kuphindze kubonakale kuwe kukhanya kwesibane. Kungeke kuphindze kuvakale kuwe liphimbo lemyeni nelamakoti. Bahwebi bakho bekutikhulu temhlaba, wedukisa tonkhe tive ngebutsakatsi bakho.

Sembulo 18:7

Niyihluphe kakhulu, kutfoswa kwayo ngetinhlupho nelusizi lwayo kube ngangekutiphakamisa kwayo nangangekutamasa kwayo. Ngobe enhlitiyweni yayo itsi: ‘Ngihleti njengendlovukazi! Angisiye umfelokati, ngeke ngifelwe, ngilile.’

Sembulo 18:9

“Emakhosi emhlaba labephinga nayo atamase nayo ayawukhala alile kamatima ngayo, nasabona intfutfu yekusha kwayo.