Sembulo 18:23 - Siswati 1996 Bible

²³ Kungeke kuphindze kubonakale kuwe kukhanya kwesibane. Kungeke kuphindze kuvakale kuwe liphimbo lemyeni nelamakoti. Bahwebi bakho bekutikhulu temhlaba, wedukisa tonkhe tive ngebutsakatsi bakho.

Sembulo 18:23 Referencias Cruzadas

2 Emakhosi 9:22

Watsi Joramu kube abone Jehu, wambuta watsi: “Ute ngekuthula yini, Jehu?” Jehu waphendvula watsi: “Kuthula kungaba khona kanjani, nangabe solomane kusekhona tithico nebutsakatsi benyoko Jezebeli?”

Jobe 21:17

“Kukangakhi nje sibane salababi sicinywa? Ngukangakhi kona lababi behlelwa sehlakalo? Nkulunkulu uke abajezise ngentfukutselo yini?

Taga 24:20

ngobe umuntfu lomubi akanalo likusasa lelihle. Bumnyama bodvwa lobummele.

Isaya 23:8

Ngubani lowahlela lokulwa neThire, lidolobha lebukhosi, lelibahwebi balo batikhulu, nebatsengisi balo bahlonishwa emhlabeni wonkhe?

Isaya 47:9

Kokubili-ke loko kuyawukukhandza ngesikhashana nje, ngalanga linye, kufelwa bantfwana nebufelokati. Kuyawukufikela ngemandla lamakhulu, ngetulu kwebunyenti bekutsakatsa kwakho, nasemkhatsini webunyenti bemalumbo akho.

Jeremiya 16:9

Ngobe naku lokushiwo nguSimakadze longuSomandla, Nkulunkulu wema-Israyeli, utsi: ‘Ngiyakwehlisela siphetfo, embikwemehlo enu nasemihleni yenu, siphetfo semisindvo yekujabula neyentfokoto, liphimbo lamakoti nelemyeni kulendzawo.’

Jeremiya 25:10

Imisindvo yekujabula nekutfokota ngiyawuyisusa kubo, ngisuse nemaphimbo abomakoti nemyeni, nemsindvo wematje ekusila kanye nekukhanya kwesibane.

Jeremiya 7:34

Ngiyawucedza imisindvo yekujabula neyekutsakasa, ngicedze neliphimbo lemyeni nelamakoti emadolobheni akaJuda nasetitaladini taseJerusalema, ngobe lelive liyawusala likhala libhungane.’ ”

Nahume 3:4

Konkhe loku kuye ngebunyenti benkhanuko yengwadla lebukekako, umhhunguli wabo bonkhe butsi, ingwababane leyagcilata tive ngebugwadla bayo netive tonkhe ngebutsi bayo.

Imisebenti yebaPhostoli 8:11

Abesabamangalise ngemilingo yakhe sikhatsi lesidze kangangekutsi base bambukisisa.

Sembulo 12:9

Nyokangwenya lomkhulu walahlelwa phansi, leya nyoka yasemandvulo, lebitwa ngekutsi nguMhlebi nome nguSathane, uMkhohlisi wemhlaba wonkhe. Wajikijelwa phansi emhlabeni kanye netingilosi takhe.

Sembulo 17:2

Emakhosi emhlaba aphingana nayo. Bonkhe bantfu bemhlaba badzakwa kunatsa liwayini lebugwadla bayo.”

Sembulo 17:5

Ebuntini lakhe kwakubhalwe libito leliyimfihlakalo litsi: “IBhabhulona lenkhulu, unina wetingwadla nemanyala emhlaba.”

Sembulo 18:22

Ingeke iphindze ivakale kuwe imisindvo yebashayi bemahabhu, neyebahlabeli, neyebashayi bemintjingozi, neyebashayi bemacilongo. Kungeke kuphindze kwateke kutsi kwase kwaba khona babati betintfo letitinhlobonhlobo. Ungeke uphindze uvakale nemsindvo wesigayo.

Sembulo 18:3

Ngobe tonkhe tive tilinatsile liwayini lelinenkhanuko yebugwadla bayo. Emakhosi emhlaba aphinga nayo, nebahwebi basemhlabeni bacebile ngekutamasa kwayo.”

Sembulo 18:9

“Emakhosi emhlaba labephinga nayo atamase nayo ayawukhala alile kamatima ngayo, nasabona intfutfu yekusha kwayo.

Sembulo 21:8

Kodvwa sabelo semagwala, nalabangakholwa, nalabanengekako, nebabulali, netingwadla, netiphingi, nebatsakatsi, nalabakhonta tithico, nalabacala emanga, kuyawuba lichibi lelivutsa umlilo nesibabule; loku kufa kwesibili.”

Sembulo 22:15

Kepha ngephandle kunetinja, nebatsakatsi, netingwadla, netiphingi, nebabulali, nalabakhonta tithico, nabo bonkhe labatsandza kucala emanga ngekukhuluma nangetento.

Sembulo 22:5

Kuyawubate busuku, tingeke tikudzinge nekukhanya kwesibane nome kwelilanga, ngobe iNkhosi Nkulunkulu iyakutikhanyisela, tiyawubusa phakadze naphakadze.

Sembulo 6:15

Onkhe emakhosi emhlaba, netikhulu, netindvuna, nalabacebile, nalabanemandla, nabo bonkhe labatigcili, nalabakhululekile, babhaca emigedzeni nasemihumeni emkhatsini wemadvwala etintsaba.

Sembulo 9:21

Abazange baphendvuke ekubulaleni kwabo, nasekutsakatseni kwabo, nasebugwadleni babo, nasebuphingini babo, nasekwebeni kwabo.