Sembulo 18:21 - Siswati 1996 Bible

²¹ Kwase kusuka ingilosi lenemandla yatsatsa inguzanguza yelitje lelingangelekusila, yalijikijela elwandle, ikhuluma itsi: “Iyakwentiwa njalo-ke neBhabhulona, lidolobha lelikhulu, iyawujikijelwa phansi ngemandla lamakhulu, ilahlwe, ingaphindzi ibonakale.

Sembulo 18:21 Referencias Cruzadas

Nehemiya 9:11

Wehlukanisa lwandle embikwabo, kuze kutsi bewele emhlabatsini lowomile, kodvwa labo bebabacosha ngemuva wabajikijela ekujuleni kwelwandle njengelitje naligcumkiselwa emantini lanemandla.

Jobe 20:8

Njengeliphupho uyandiza angaphindzi atfolakale, anyamalaliswe njengembono wasebusuku.

Tihlabelelo 37:36

Wafa, kwaba kunyamalala kwakhe; ngabatse ngiyamfuna wangete watfolakala.

Eksodusi 15:5

Emanti elwandle abasibekela, bacwila bashona phansi njengelitje.

Hezekeli 26:21

Ngiyawukufikisa esiphetfweni lesesabekako, futsi ngeke uphindze ube khona. Uyawufunwa, ungete watfolakala, kusho iNkhosi Simakadze.”

Danyela 11:19

Emvakwaloko uyawujikela ngasetinqabeni taseveni lakhe, kodvwa uyawukhubatela awe, angasayiwuphindza abonwe.

Sembulo 10:1

Ngase ngibona lenye ingilosi lenemandla lamakhulu yehla ezulwini yehlela phansi, yembetse lifu, inemushi wenkosazana etikwenhloko yayo, buso bayo bunjengelilanga, imilente yayo injengetinsika temlilo.

Sembulo 12:8

kodvwa behlulwa bonyokangwenya; kwabate indzawo yabo ezulwini.

Sembulo 16:20

Tonkhe tichingi tabaleka, kwabate tintsaba.

Sembulo 18:10

Ayawuma bucalu ngobe ayawube esaba kutfoswa kwayo ngetinhlupho, ayawutsi: ‘Maye! Maye! Hhawu, Bhabhulona! Dolobha lelikhulu lelinemandla! Kwehlulelwa kwakho sekwenteke ngesikhashana nje!’ ”

Sembulo 18:22

Ingeke iphindze ivakale kuwe imisindvo yebashayi bemahabhu, neyebahlabeli, neyebashayi bemintjingozi, neyebashayi bemacilongo. Kungeke kuphindze kwateke kutsi kwase kwaba khona babati betintfo letitinhlobonhlobo. Ungeke uphindze uvakale nemsindvo wesigayo.

Sembulo 20:11

Ngase ngibona lesikhulu sihlalo sebukhosi lesimhlophe, nalohleti kuso. Lizulu nemhlaba kwambalekela kwanyamalala ebusweni bakhe, akuzange kuphindze kutfolakale ndzawo.

Sembulo 5:2

Ngabona ingilosi lenemandla imemeta ngelivi lelikhulu itsi: “Ngubani lofanele kuvula lencwadzi acatulule letimphawu tayo?”