Sembulo 18:19 - Siswati 1996 Bible

¹⁹ Batitsela ngetintfuli etinhloko, balila, bakhala, bamemeta batsi: ‘Maye! Maye! Hhawu, yehheni, lelidolobha lelikhulu kangaka lelicebise bonkhe labanemikhumbi elwandle! Ngesikhashana nje lilahlekelwe ngiko konkhe.’ ”

Sembulo 18:19 Referencias Cruzadas

2 Samuweli 13:19

Thamari watitsela ngemlotsa enhloko waklebhula lengubo yakhe labeyembetse. Wetfwala imikhono enhloko, ahamba akhala kakhulu.

Nehemiya 9:1

Kwatsi ngelilanga lema-24 kuleyo nyanga ema-Israyeli ahlangana ndzawonye, azila, embatsa emasaka, atitsela ngelutfuli etinhloko, akhalela tono tawo.

Jobe 2:12

Batsi nabambona basesekhashane, bangete bambona kutsi nguye; bacala bakhala kakhulu, baklebhula imijiva yabo, batitsela ngelutfuli etinhloko tabo.

Isaya 13:19

IBhabhulona ligugu lemibuso, ibuhle beligcabho lemaBhabhulona, Nkulunkulu uyakuyiketula iwe njengeSodoma neGomora.

Sililo 2:10

Babusi beNdvodzakati yaseSiyoni bahlala phansi bathule, batsele lutfuli etinhloko tabo, bembatse emasaka. Emantfombatana aseJerusalema atfobile, abhekisa tinhloko tawo phansi.

Hezekeli 27:30

“ ‘Bayawuphakamisa emavi abo bakhale kabuhlungu ngenca yakho. Bayawutsela lutfuli etinhloko tabo batigicite emlotseni.

Joshuwa 7:6

Joshuwa wadzabula tembatfo takhe, wawa ngebuso phansi embikwelibhokisi lesivumelwane saSimakadze, kwaze kwaba kusihlwa. Nebaholi baka-Israyeli benta njalo, batitsela ngelutfuli enhloko.

Sembulo 17:16

Letimphondvo letilishumi lotibonile nesilo tiyawuyitondza lengwadla; tiyawukutsatsa konkhe lenako tiyishiye ingcunu, tidle inyama yayo, tiyishise ngemlilo.

Sembulo 18:10

Ayawuma bucalu ngobe ayawube esaba kutfoswa kwayo ngetinhlupho, ayawutsi: ‘Maye! Maye! Hhawu, Bhabhulona! Dolobha lelikhulu lelinemandla! Kwehlulelwa kwakho sekwenteke ngesikhashana nje!’ ”

Sembulo 18:3

Ngobe tonkhe tive tilinatsile liwayini lelinenkhanuko yebugwadla bayo. Emakhosi emhlaba aphinga nayo, nebahwebi basemhlabeni bacebile ngekutamasa kwayo.”

Sembulo 18:8

Ngako-ke tinhlupheko tayo tiyawufika ngalanga linye: kufa, lusizi, nendlala. Iyawushiswa ngemlilo, ngobe inemandla iNkhosi Nkulunkulu leyehlulelako.”

1 Samuweli 4:12

Ngalelo langa lomunye wesive sakaBhenjamini wabaleka emphini waphutfuma eShilo, timphahla takhe asatidzabulile anelutfuli enhloko.