Sembulo 18:16 - Siswati 1996 Bible

¹⁶ batsi: ‘Maye! Waze wabhubha dolobha lelikhulu! Yeka kwembatsiswa kwakho ngelineni lecolisakele, nalebukhwebeletane, nalebovu, nekuhlotjiswa ngegolide, nangematje laligugu, nangemapharele!

Sembulo 18:16 Referencias Cruzadas

Hezekeli 28:14

Wagcotjwa waba likherubhi lelingumelusi, ngobe ngakugcobela kona loko. Wawusentsabeni lengcwele yaNkulunkulu; wawuhambahamba emkhatsini wematje emlilo.

Nahume 2:9

Phangani isiliva! Phangani igolide! Imphango yinyenti kakhulu, nengcebo isuke kuyo yonkhe imigodzi yayo.

Sembulo 17:3

Lengilosi yangitsatsa, ngikuMoya, yangimikisa ehlane, ngulapho ngabona khona umfati ahleti etikwesilo lesibovu lesasinemagama lahlambalata Nkulunkulu. Lesilo sasinetinhloko letisikhombisa netimphondvo letilishumi.

Sembulo 17:4

Lomfati bekagcoke ingubo lebukhwebeletane nalebovu, abembeswe ngemihlobiso yegolide, nangematje laligugu, nangemapharele. Esandleni sakhe abephetse indzebe yegolide igcwele emanyala nekungcola kwebugwadla bakhe.

Sembulo 18:18

Bakhala nababona iphakama lentfutfu yekusha kwalelidolobha batsi: ‘Kute lidolobha lelikhulu lelase laba ngangalo!’

Sembulo 18:19

Batitsela ngetintfuli etinhloko, balila, bakhala, bamemeta batsi: ‘Maye! Maye! Hhawu, yehheni, lelidolobha lelikhulu kangaka lelicebise bonkhe labanemikhumbi elwandle! Ngesikhashana nje lilahlekelwe ngiko konkhe.’ ”