Sembulo 18:13 - Siswati 1996 Bible

¹³ nesinamoni, netinandzisi, nemphepho, nemakha, nenhlaka, neliwayini, nemafutsa, nafulaha locolisakele, nakolo, netinkhomo, netimvu, nemahhashi, netincola, netigcili kanye nemiphefumulo yebantfu.

Sembulo 18:13 Referencias Cruzadas

1 Emakhosi 10:10

Indlovukazi yase ipha inkhosi Solomoni igolide leyayingemakhilogremu labengaba ti-4 000, nemidlidlimba yetinandzisi kanye nematje laligugu. Akuzange kuphindze kufike tinandzisi letase taba tinyenti kwendlula leto letake tetfulwa yindlovukazi yaseSheba enkhosini Solomoni.

1 Emakhosi 10:15

ngaphandle kwemitselo yebahwebi neyebatsengisi leyayiphuma kuwo onkhe emakhosi ase-Arabiya kanye nakubabusi belive.

1 Emakhosi 10:25

Umnyaka ngemnyaka, wonkhe labeta kuye abefika nesipho: tintfo letentiwe ngesiliva, nangegolide, nemijiva, netikhali, netinandzisi, nemahhashi kanye neminyuzi.

1 Tikhronike 5:21

Batfumba tifuyo tebakaHagari lekwakungemakamela lati-50 000, netimvu letati-250 000, netimbongolo letati-2 000 kanye nebantfu lababeti-100 000.

2 Tikhronike 9:9

Indlovukazi yase ipha inkhosi Solomoni igolide leyayingemakhilogremu labengaba ti-4 000, nemidlidlimba yetinandzisi kanye nematje laligugu. Akuzange kufike tinandzisi letase taba njengaleta letake tetfulwa yindlovukazi yaseSheba enkhosini Solomoni.

Nehemiya 5:8

Ngakhuluma kubo, ngatsi: “Tsine setame ngawo onkhe emandla etfu kuhlenga labomnaketfu labangemaJuda lababetsengiswe kubetive; kodvwa nine nitsengisa labomnakenu, khona batekutsengiselwa tsine!” Baholi behluleka kutsi bangaphendvula batsini, ngako babindza.

Eksodusi 21:16

“Lotfumba lomunye umuntfu entele kumtsengisa nome kumenta sigcili kufanele abulawe.

Taga 7:17

Ngiwufake emakha emure, nenhlaba, nesinamoni.

Ingoma Yetingoma 1:3

Liyajabulisa liphunga lemakha akho; libito lakho linjengemakha latfululwako. Nguko nje tintfombi tikutsandza kangaka!

Ingoma Yetingoma 3:6

Ngubani loya lokhuphuka achamuka ehlane, lofanana nensika yentfutfu, lotsaphuka emakha emure newemphepho leyakhiwe ngato tonkhe tinongo temhwebi?

Ingoma Yetingoma 5:5

Ngase ngiyavuka ngayawuvulela longitsandzako wami; sandla sami sasintfontsa imure, tingalo tami tigeleta imure, lapha etibambeni tesivalo.

Isaya 50:1

Naku lokushiwo nguSimakadze, utsi: “Iphi incwadzi yenyoko yesehlukaniso, lengamcosha ngayo kutsi ahambe? Nome-ke nganitsengisa kumuphi kulengibakweledako? Natsengiswa ngenca yetono tenu, ngenca yemacala enu unyoko wacoshwa.

Hezekeli 27:13

“ ‘BaseGrisi, nebaseThubhali kanye nebaseMesheki babetsenga timpahla takho; babeshintjiselana nawe ngetigcili nangetintfo telitfusi ngetimphahla takho.

Amose 2:6

Naku lokushiwo nguSimakadze, utsi: “Bantfu baka-Israyeli bone kwaze kwengca, ngaleso sizatfu ngingeke ngihlale ngingabajezisi. Labalungile babatsengisa ngesiliva, bese kutsi labeswele babatsengise ngetincabule letimbili.

Amose 6:6

Ninatsa liwayini ngetitja letigcwele, nitigcobise ngemafutsa lanuka kamnandzi, kodvwa anidzabuki ngekucitfwa kwaJosefa.

Amose 8:6

nitsenge labamphofu ngesiliva, nalabeswele ngetincabule letimbili, ngisho naloku lokushanyelwe phansi esibuyeni sekubhula nikubite imali.

Dutheronomi 24:7

“Nangabe umuntfu ubanjwe atfumba lomunye um-Israyeli, amphatse njengesigcili nome amtsengise, lowo longumtfumbi kufanele abulawe. Niyakukukhipha kanjalo-ke lokubi lokumila emkhatsini wenu.

Dutheronomi 28:68

Simakadze uyawunincandzekisa ngemikhumbi nibuyele eGibhithe, ngendlela lengangetsembise kutsi ningeke niphindze nibuyele ngayo. Lapho-ke niyawutinikela nine matfupha kutsi nibe yindali etitseni tenu kutsi tinitsenge nibe tigcili netigcilikati tato, kodvwa kute loyawunitsenga.”

1 kuThimothi 1:10

wabekelwa netingwadla, netiphingi, nalabadvuna labalalanako, nebatfumbi bebantfu, nalabacala emanga, nabofakazi bemanga, nalabenta nome ngabe yini lephambene nemfundziso lengiyo.

2 yaPhetro 2:3

Ngenca yebudli babo bayawutsengiselana ngani ngemavi ebucili. Kusukela emandvulweni kulahlwa kwabo akulibali, nekubhujiswa kwabo akweteli.

Sembulo 18:14

Bahwebi bayawutsi kuyo: ‘Tonkhe titselo lebewutifisa atisekho kuwe, konkhe kutamasa nebucwebecwebe bakho abusekho, futsi ngeke uphindze ubutfole!’

Sembulo 18:15

Bahwebi baletimphahla labadzimate baceba ngalengwadla, bayawuma bucalu, ngobe bayawube besaba kutfoswa kwayo ngetinhlupho. Bayawukhala, balile