Sembulo 14:2 - Siswati 1996 Bible

² Ngeva livi liphuma ezulwini lelevakala lifanana nemabhudlo emanti, lifanana nekudvuma lokukhulu. Lelivi lalifanana nekuhlabela kwetingitali tishaywa bashayi bato.

Sembulo 14:2 Referencias Cruzadas

2 Samuweli 6:5

Davide kanye nayo yonkhe indlu yaka-Israyeli babejabula bagidza ngawo onkhe emandla abo embikwaSimakadze bamdvumisa ngetingoma, nangemahabhu, nangemalire, nangemafahlawane, nangetikhelekehle, nangabokhencekhence.

2 Tikhronike 20:28

Bangena eJerusalema bacondza ethempelini laSimakadze bashaya emahabhu, netingitali kanye nemacilongo.

Tihlabelelo 147:7

Hlabelani kuSimakadze ngekubonga; dvumisani Nkulunkulu wetfu ngekushaya ihabhu.

Tihlabelelo 149:3

Abadvumise ngekugidza nangesigubhu nangehabhu.

Tihlabelelo 33:2

Simakadze mdvumiseni ngetingubhu, nihlabele kuye ngehabhu lenetintsambo letilishumi.

Tihlabelelo 43:4

Ngiyawusondzela elatini laNkulunkulu, kuNkulunkulu longumtfombo wenjabulo yami, ngikudvumise ngehabhu, ngidvumise Nkulunkulu, Nkulunkulu wami.

Tihlabelelo 57:8

Vuka, mphefumulo wami, vuka habhu yami, nawe lugubhu lwami. Ngiyawuphaphamisa intsatsakusa.

Tihlabelelo 92:3

nakushaywa ihabhu lenetintsambo letilishumi, nelugitali, netintsambo telire.

Tihlabelelo 93:4

Kepha wena, Simakadze, umkhulu kunekudvuma kwemanti lamanyenti, umkhulu kunemagagasi aselwandle.

Tihlabelelo 98:5

Hlabelani nidvumise Nkulunkulu ngehabhu, hlabelani ngehabhu nangeliphimbo.

Eksodusi 19:16

Ekuseni ngelilanga lesitsatfu kwaba nekudvuma nemibane, lifu lelimnyama labonakala etikwentsaba, kwase kuvakala licilongo lelakhala kakhulukati. Bonkhe bantfu lapha enkambu betfuka batfutfumela ngenca yekwesaba.

Eksodusi 20:18

Batsi bantfu nabakuva lokudvuma nekukhala kwelicilongo babona nemibane nentfutfu yembese intsaba, bonkhe bantfu betfuka batfutfumela ngenca yekwesaba, bema bucalu.

Isaya 17:13

Naloku tive tihokoma njengekuhokoma kwemabhudlo emanti, Nkulunkulu nakabatsetsisa, babaleka baye khashane, bapheshulwe emoyeni njengemakhoba, nakaphephuka etulu emagcumeni, nanjengelukhula loluzushuniwe, nalukhukhulwa sihhuhhula semoya.

Hezekeli 43:2

lapho ngabona khona inkhatimulo yebukhona baNkulunkulu wema-Israyeli ichamuka ngasemphumalanga. Livi lakhe lalifanana nekudvuma kwemabhudlo emanti, live lalicwebetela ngenca yenkhatimulo yakhe.

Zakhariya 9:14

Simakadze uyawube sewuyabonakala kubo, umcibisholo wakhe uyawugijima njengembane. INkhosi Simakadze iyawushaya impalampala, iyawushuca ngetivunguvungu taseningizimu,

1 kubaseKorinthe 13:1

Nome ngikhuluma ngetilimi tebantfu netetingilosi, kepha nangite lutsandvo, ngiyatikhulumela nje, ngifanana nelitfusi lelikhencetako nome insimbi lencencetsako.

Sembulo 1:10

Ngelilanga leNkhosi ngangikuMoya, ngase ngiva emvakwami livi lelikhulu, shangatsi lelicilongo,

Sembulo 1:15

Tinyawo takhe tatifanana nelitfusi lelilolongwe lacoliswa ngemlilo, livi lakhe lalifanana nekudvuma kwemanti lamanyenti.

Sembulo 11:12

Base beva livi lelikhulu liphuma ezulwini litsi kubo: “Yenyukani nite la!” Tatiloku tibabuka titsa tabo, nabenyuka ngelifu baya ezulwini.

Sembulo 11:15

Ingilosi yesikhombisa yashaya licilongo layo, kwase kuba nemisindvo lemikhulu kakhulu ezulwini itsi: “Umbuso walomhlaba sengumbuso weNkhosi yetfu, naKhristu wakhe; iyawubusa kuze kube phakadze naphakadze!”

Sembulo 15:2

Ngabona shangatsi lwandle lolusangilazi, luhlanganiswe nemlilo. Labo lababehlule silo, nemfanekiso waso, nenombolo yelibito laso, babeme ngakulo lolwandle lolusangilazi, baphetse emahabhu aNkulunkulu etandleni tabo.

Sembulo 18:22

Ingeke iphindze ivakale kuwe imisindvo yebashayi bemahabhu, neyebahlabeli, neyebashayi bemintjingozi, neyebashayi bemacilongo. Kungeke kuphindze kwateke kutsi kwase kwaba khona babati betintfo letitinhlobonhlobo. Ungeke uphindze uvakale nemsindvo wesigayo.

Sembulo 5:8

Latsi kube liyitsatse lencwadzi, letidalwa letine kanye nemalunga langema-24 awa phansi embikweliWundlu, lelo nalelo liphetse ihabhu, netitja tegolide tigcwele imphepho lengimithandazo yalabangcwele.

Sembulo 6:1

Ngabona liWundlu licatulula lolunye lwaletimphawu letisikhombisa, ngeva lesinye saletidalwa letine sikhuluma ngelivi lekudvuma sitsi: “Wota!”

Sembulo 8:7

Ingilosi yekucala yalishaya licilongo layo, kwase kulandzela sangcotfo nemlilo kuhlangene nengati lokwawela emhlabeni; incenye yesitsatfu yemhlaba yasha yaphela, nencenye yesitsatfu yetihlahla yasha yaphela, kanye netjani bonkhe lobuluhlata basha baphela.