Sembulo 14:14 - Siswati 1996 Bible

¹⁴ Ngase ngibona lifu lelimhlophe, lona bekahleti etikwalo afanana neNdvodzana yemuntfu, anemchele wegolide enhloko yakhe, ngesandla sakhe aphetse lisikela lelikhaliphako.

Sembulo 14:14 Referencias Cruzadas

Tihlabelelo 21:3

Uyihlangabete ngetibusiso letinalokuhle, wayetfwesa enhloko yayo umchele wegolide lecengekile.

Tihlabelelo 97:2

Emafu lamnyama amtungeletile, kulunga nebucotfo sisekelo lamise kuso sihlalo sakhe sebukhosi.

Isaya 19:1

Livi lesembulo lelimacondzana nelive laseGibhithe: Buka la, Simakadze ugibela lifu leligijima kakhulu, ubange kulaseGibhithe. Tithico taseGibhithe tiyawutfutfumela embikwakhe, netinhlitiyo tebantfu baseGibhithe tiyancibilika ngekhatsi kwabo.

Hezekeli 1:26

Ngetulu kwalomkhatsi lowawusetikwetinhloko tato bekunentfo leyayifanana nesihlalo sebukhosi lesakhiwe ngesafire, ngetulu kwalesihlalo sebukhosi kwakunentfo leyayinesimo lesasifanana nesemuntfu.

Danyela 7:13

“Embonweni wami wasebusuku, ngabona embikwami kwakume umuntfu labenjengendvodzana yemuntfu, abehla ngemafu asezulwini. Wasondzela kuloLophila Phakadze Naphakadze, waholeleka ebukhoneni bakhe.

Matewu 13:30

Yekelani nje kukhule kokubili ndzawonye, kuze kube sikhatsi sekuvuna, kuvunwe; nasekuvunwa ngitawutjela labavunako kutsi babutse lukhula kucala, balubophe tincumbi, kuze lutewushiswa; bese-ke nibutsela emabele ndzawonye esiteni sami.’ ”

Matewu 17:5

Watsi asakhuluma loko, kwachamuka lifu lelikhatimulako, labasibekela. Kwevakala livi kulelifu litsi: “Lena yiNdvodzana yami letsandzekako, lengitfokota ngayo; yilaleleni!”

Makho 4:29

kuyaye kutsi kungoma, kutsatfwe lisikela kuyewuvunwa, ngobe sikhatsi sekuvuna sesifikile.”

Lukha 21:27

Kusenjalo iNdvodzana yeMuntfu iyawubonakala, ita ngelifu ngemandla lamakhulu neludvumo.

KumaHebheru 2:9

Kodvwa lesimbonako nguJesu, lowentiwa waba mncane kunetingilosi kwesikhashana. Wetfweswa umchele webukhosi neludvumo ngenca yekuhlupheka kwekufa. Kwaya ngebubele baNkulunkulu kutsi Jesu eve kufa ngenca yebantfu bonkhe.

Sembulo 1:13

Emkhatsini wato kwakukhona labefanana neNdvodzana yemuntfu, embetse umjiva lomudze, abophe ngembhenso wegolide esifubeni sakhe.

Sembulo 1:7

Lalelani la, uyeta ngemafu, onkhe emehlo ayawumbona, ngisho nabo bonkhe labamgwaza, nato tonkhe tive temhlaba tiyawukhala tilile ngaye. Yebo, akube njalo. Amen.

Sembulo 10:1

Ngase ngibona lenye ingilosi lenemandla lamakhulu yehla ezulwini yehlela phansi, yembetse lifu, inemushi wenkosazana etikwenhloko yayo, buso bayo bunjengelilanga, imilente yayo injengetinsika temlilo.

Sembulo 11:17

atsi: “Siyakubonga, Nkhosi Nkulunkulu, Somandla, lokhona, nalabekhona, ngekutsi utsatse emandla akho lamakhulu, wabusa.

Sembulo 19:12

Emehlo akhe abenjengemalangabi emlilo, enhloko yakhe bekunemichele leminyenti; abenelibito lebelibhaliwe lelingatiwa ngumuntfu ngaphandle kwakhe.

Sembulo 20:11

Ngase ngibona lesikhulu sihlalo sebukhosi lesimhlophe, nalohleti kuso. Lizulu nemhlaba kwambalekela kwanyamalala ebusweni bakhe, akuzange kuphindze kutfolakale ndzawo.

Sembulo 6:2

Kwatsi chamu lihhashi lelimhlophe, nalona labeligibele aphetse butjoki, wanikwa umchele, wahamba ancoba, ayawuncoba.