Sembulo 13:13 - Siswati 1996 Bible

¹³ Senta tibonakaliso letinkhulu, ngisho nekwehlisa umlilo ezulwini wehlele emhlabeni embikwebantfu bonkhe babuka.

Sembulo 13:13 Referencias Cruzadas

1 Emakhosi 18:38

Umlilo waSimakadze wehlela etikwalomhlatjelo, wawushisa wawucedza kanye netinkhuni, nematje, nemhlabatsi, wakhotsisisa onkhe emanti labelapho emseleni.

Eksodusi 7:22

Labalumbi baseGibhithe nabo bakwenta loko ngemilingo yabo. Ngako-ke inhlitiyo yaFaro yachubeka yaba lukhuni kakhulu, akazange akulalele loko babemtjela kona, kwaya njengobe Simakadze abeshito.

Eksodusi 8:7

Nalabalumbi benta njalo ngemilingo yabo; tigogodvolo batikhiphela emhlabatsini eveni laseGibhithe.

Eksodusi 9:11

Labalumbi behluleka kuma embikwaMosi, ngobe kwakutse minci ematfumba emitimbeni yabo nakuwo onkhe emaGibhithe.

Numeri 16:35

Umlilo lowaphuma kuSimakadze wadla onkhe lamadvodza labengema-250 labekashisa imphepho.

Matewu 16:1

BaFarisi nebaSadusi beta kuJesu batemlinga, bamcela batsi akabakhombise sibonakaliso lesivela ezulwini.

Matewu 24:24

Ngobe kuyawuvela bokhristumbumbulu, nebaphrofethi bemanga, bente tibonakaliso letinkhulu netimangaliso, kuze kudukiswe nalabakhetsiwe nakunekwenteka.

Makho 13:22

Bokhristu bemanga nebaphrofethimbumbulu batawuvela bakhombise tibonakaliso netimangaliso kuze kwedukiswe nalabakhetsiwe, nakunekwenteka.

2 kuThimothi 3:8

Njengobe boJanesi naJambresi bamelana naMosi, nabo-ke labantfu bamelene neliciniso, babantfu labanengcondvo leyonakele netehluleki ekukholweni.

Sembulo 11:5

Nakukhona lotama kubalimata, kutawuphuma umlilo emlonyeni wabo utishise uticedze tonkhe leto titsa tabo; nangabe-ke kukhona lotama kubalimata, nakanjani uyawubulawa.

Sembulo 16:14

Bekungimimoya yemadimoni, lanemandla ekwenta tibonakaliso. Beyiphumele kuyawuhlanganisa emakhosi emhlaba wonkhe, iwalungiselela imphi yelilanga lelikhulu laNkulunkulu, Somandla.

Sembulo 19:20

Kodvwa lesilo satfunjwa, kanye nemphrofethi wemanga labenta tibonakaliso tekudukisa labo labaneluphawu lwesilo nalabasikhonta ngekukhotsamela lomfanekiso waso. Bobabili bajikijelwa baphila echibini lemlilo lelivutsa sibabule.

Sembulo 20:9

Tenyuka tahlakateka nemhlaba wonkhe, tafike tatungeleta inkambu yebantfu baNkulunkulu nemuti lotsandzekako. Kwehla umlilo uphuma ezulwini, watidla tonkhe.