Sembulo 12:5 - Siswati 1996 Bible

⁵ Wabeleka indvodzana, letawubusa tonkhe tive ngesandla lesimatima. Loluswane lwakhe lwahlwitselwa kuNkulunkulu, esihlalweni sakhe sebukhosi.

Sembulo 12:5 Referencias Cruzadas

Isaya 66:7

“Umfati uyabeleka yini angakahelwa? Angayitala yini indvodzana angakaze wahlaselwa ngiminjunju?

Isaya 7:14

Ngako-ke, Nkulunkulu, yena cobo lwakhe, utawuninika sibonakaliso: Intfombi iyawukhulelwa itale indvodzana, yetsiwe libito kutsiwe ngu-Imanyuweli.

Jeremiya 31:22

Uyawuzulazula kuze kube ngunini, awu, ndvodzakati lengaketsembeki? Simakadze uyawudala intfo lensha emhlabeni, umfati uyakuyivikela indvodza.”

Mikha 5:3

Ngako Simakadze lesive sakhe uyawusiyekelela etitseni taso, kuze kufike sikhatsi sekutalwa kwendvodzana. Kuyawutsi bonkhe bakubo, labayawube basakatekile batfumbeka, bahlanganiselwe ndzawonye babe sive sinye.

Matewu 1:25

Kodvwa akazange ahlangane naye waze watubula ngendvodzana; wayetsa libito, watsi nguJESU.

Makho 16:19

Emvakwaloko, iNkhosi Jesu seyikhulumile nabo yatsatfwa yenyuselwa ezulwini, yahlala ngesekudla saNkulunkulu.

2 kubaseKorinthe 12:2

Kukhona umuntfu lengimati akuKhristu, lekwatsi eminyakeni leli-14 leyendlulile, wenyuselwa ezulwini lesitsatfu; nome abesemtimbeni nome abekuMoya, angati; nguNkulunkulu lowatiko.

2 kubaseKorinthe 12:4

kutsi wenyuselwa ePharadisi lapho efike weva tintfo letiyimfihlo, kangangekutsi kute umuntfu lekufanele atikhulume.

Sembulo 11:12

Base beva livi lelikhulu liphuma ezulwini litsi kubo: “Yenyukani nite la!” Tatiloku tibabuka titsa tabo, nabenyuka ngelifu baya ezulwini.

Sembulo 12:13

Watsi kube nyokangwenya abone kutsi sewulahlelwe phansi emhlabeni, watingela lomfati labetele indvodzana.

Sembulo 12:2

Abetetfwele, wakhala ngenca yemihelo, nekusikwa buhlungu bekubeleka.

Sembulo 19:15

Emlonyeni wakhe kuphuma inkemba lekhaliphako latawushaya tive ngayo, uyawutibusa ngesandla lesimatima. Uyawunyatsela litje lesikhamo seliwayini. Leliwayini liyintfukutselo yelulaka lwaNkulunkulu Somandla.