Sembulo 11:2 - Siswati 1996 Bible

² Kodvwa ungasilinganisi sibuya lesingephandle kwalelithempeli, ngobe siniketwe betive labayakuwugcobagcoba lomuti longcwele tinyanga letingema-42.

Sembulo 11:2 Referencias Cruzadas

Tihlabelelo 79:1

Awu, Nkulunkulu! Bahedeni sebangene efeni lakho, bangcolisa lithempeli lakho lelingcwele, bagucula iJerusalema bayenta tindzala.

Isaya 48:2

nine lenitibita ngekutsi nitakhamiti tasedolobheni lelingcwele, netsembele kuNkulunkulu wema-Israyeli, Simakadze longuSomandla libito lakhe, lalelani naku:

Isaya 5:5

Manje-ke senginitjela kutsi ngitakwentani kulesivini sami: Ngitawususa lolutsango lwaso, lesivini sibhujiswe, ngitawuhhihlita nalolubondza lwaso, sinyatselwe phansi.

Isaya 52:1

Vuka, vuka, wena Siyoni, yembatsa emandla. Yembatsa tingubo takho tebukhosi, wena Jerusalema, dolobha lelingcwele. Labangakasoki nalabangcolile bangeke baphindze bangene emasangweni akho.

Sililo 1:10

Sitsa sabeka tandla taso kuyo yonkhe imicebo yayo; iJerusalema yabona betive bangena ethempelini layo, labo lowabalela kutsi bangene ebandleni lakho.

Hezekeli 4:6

“Utawutsi ungakucedza loku, uphindze ulale phansi futsi, ngemhlubulo wakho wangesekudla, wetfwale sono sendlu yakaJuda. Ngikumisele emalanga langema-40, lilanga lilinye limele umnyaka munye.

Hezekeli 42:20

Ngako yabe seyikala lendzawo kuyo yonkhe imihlubulo yomine. Yayinelubondza lolwaluyitungeleta, kwakungemamitha labengaba ngema-250 budze, nemamitha labengaba ngema-250 bubanti, lwehlukanisa lokungcwele kulokungengcwele.

Danyela 12:7

Lomuntfu labegcoke telineni, labesetikwalamanti emfula, waphakamisa sandla sakhe sekudla nesancele, watibhekisa ezulwini, ngamuva afunga ngaye lophila phakadze atsi: “Kuyawuba ngiminyaka lemitsatfu nesigamu. Nakuphelela kuhlushwa kwebantfwana baNkulunkulu, tonkhe letintfo tiyawube setentekile.”

Danyela 7:19

“Ngase ngifuna kutfolisisa kahle ngalesilokati sesine kutsi sasisho kutsini, ngobe sona sasehlukile kuto tonkhe leti letinye, sesabeka kakhulu ngalamatinyo aso etinsimbi, netidladla telitfusi, silo lesasikufihlita sikushwabudzele loko lesikubambile, sigcobagcobe loko lokwakusele kwako ngetinselo taso.

Danyela 7:25

Iyawukhuluma ihlambalate Longetulu Kwako Konkhe, icindzetele labangcwele bakhe, yetame kugucula tikhatsi temikhosi lemisiwe nemitsetfo. Labangcwele bayawunikelwa kuyo kube sikhashana, netikhatsi, nencenye yesikhatsi.

Danyela 8:10

Lwakhula lwadzimate lwefikela nasemabutfweni lasemazulwini, lwajikijela phansi emhlabeni letinye tetinkhanyeti, lwatigcobagcoba.

Danyela 8:13

Ngase ngiva longcwele akhuluma, nalomunye longcwele wakhuluma kuye, watsi: “Kutawutsatsa sikhatsi lesidze kangakanani kuze kugcwaliseke lombono, umbono lomacondzana nemihlatjelo yemalanga onkhe nalobuphekula lobubanga incitsakalo, namacondzana nekunikelwa kwendzawo lengcwele nekwelibutfo lasezulwini lelitawugcotjwagcotjwa ngetinyawo?”

Danyela 8:14

Watsi kimi: “Kuyawutsatsa tikhatsi tekuhlwa netekusa letiti-2 300. Ngulapho-ke lithempeli liyawuhlanjululwa kabusha khona.”

Numeri 14:34

Niyawuhlupheka kuze kuphele iminyaka lengema-40 ngenca yetono tenu, umnyaka umele lilanga linye lalawo langema-40, lenawacitsa nihlolisisa lelive, kuze nati kahle kutsi kuyini kumelana kwenu nami.’

Matewu 27:53

Bawashiya emathuna; emvakwekuvuka kwaJesu ekufeni baya bangena edolobheni lelingcwele, lapho babonwa bantfu labanyenti.

Matewu 4:5

Wesuka lapho Sathane wamyisa edolobheni lelingcwele, wammisa esicongweni selithempeli,

Matewu 5:13

“Nine niluswayi lwelive, kodvwa nangabe luswayi selulahlekelwe bunandzi balo, pho, lobunandzi balo bungabuyiselwa njani? Alusenamsebenti walutfo, kuphela nje kutsi lulahlwe ngephandle, lunyatselwe ngetinyawo.

Lukha 21:24

bayawubulawa ngenkemba, batsatfwe bentiwe babe titfunjwa etiveni tonkhe; nebetive bayakuyigcobagcoba iJerusalema, kuze kugcwaliseke sikhatsi sabo.”

KumaHebheru 10:29

Nicabanga kutsi siyawuba sikhulu kangakanani-ke sijeziso salowo logcobagcoba iNdvodzana yaNkulunkulu, edzelele ingati yesivumelwane lahlanjululwe ngayo, etfuke Moya wesihawu?

Sembulo 11:11

Kodvwa emvakwemalanga lamatsatfu nesigamu umoya wekuphila lophuma kuNkulunkulu wangena kubo, basukuma, bema ngetinyawo; bonkhe labakubona loku befikelwa kwesaba lokukhulu.

Sembulo 11:3

Bofakazi bami lababili labembetse emasaka ngiyawubanika emandla ekuphrofetha emalanga layi-1 260.”

Sembulo 12:6

Lomfati wabaleka waya ehlane, lapho Nkulunkulu amlungiselela indzawo yekutsi anakekelwe emalanga layi-1 260.

Sembulo 21:10

Yangitsatsa ngikuMoya, yangibeka esicongweni sentsaba lephakeme kakhulu. Yangikhombisa likhaya lelingcwele, iJerusalema Lensha, lehla, liphuma kuNkulunkulu ezulwini.

Sembulo 21:2

Ngabona likhaya lelingcwele, iJerusalema Lensha, lehla liphuma ezulwini kuNkulunkulu, lilungiswe kahle lahlotjiswa njengamakoti ahlobele kuyawuhlangabeta umyeni wakhe emshadweni.

Sembulo 22:19

Nakukhona lowaphungulako lamavi alesiphrofetho lesikulencwadzi, naNkulunkulu uyawuphungula sabelo sakhe esihlahleni sekuphila nasekhaya lelingcwele, njengobe sekuchaziwe kulencwadzi.