Sembulo 11:19 - Siswati 1996 Bible

¹⁹ Kwavuleka lithempeli laNkulunkulu ezulwini, kwabonakala libhokisi lesivumelwane lingekhatsi kwelithempeli lakhe. Kwaba nemibane, nemisindvo lemikhulu, nekudvuma, nekutamatama kwemhlaba, nesangcotfo lesikhulu.

Sembulo 11:19 Referencias Cruzadas

Tihlabelelo 105:32

Wabapha sangcotfo, saba yimvula yabo, kwaklwebha imibane eveni labo lonkhe.

Tihlabelelo 18:12

Ebukhatikhatini bebukhona bakhe kwaphambana imibane, kwavela emafu lamnyama lahlomile, kwehla sangcotfo nemalahle lavutsako.

Isaya 28:2

Buka la, Simakadze unaye lonemandla nalocinile. Njengesangcotfo nesivunguvungu lesibhubhisako, nanjengemvula lekhukhulako, nesihhuhhula semanti, uyakulisacata phansi emhlabatsini ngemandla lamakhulu.

Isaya 29:6

Simakadze longuSomandla uyakuta ngekudvuma nangekutamatama kwemhlaba, nangemsindvo lomkhulu, nangesikhukhula semoya nesihhushuhhushu, nangemalangabi emlilo lodlako.

Isaya 30:30

Simakadze uyakwenta bantfu kutsi babuve bukhosi belivi lakhe, uyawubabonisa kwehla kwemkhono wakhe ngentfukutselo lekhephukako nangemlilo lodlako, nangekucheketeka kwemafu, nangekudvuma, nangesangcotfo.

Isaya 32:19

Nome sangcotfo singalivitsita lihlatsi, nelidolobha silibhidlite liphele nya,

Hezekeli 13:11

ngako-ke batjele labo labaluhuca ngemcakaco kutsi lutakuwa lolubondza. Imvula lenkhulu itakuna, futsi ngitawutfumela sangcotfo lesitawutfululekela phansi, kuvungute imimoya lenemandla.

Hezekeli 13:13

“ ‘Ngako-ke naku lokushiwo yiNkhosi Simakadze, itsi: Ngiyawudedela sivunguvungu lesinemandla ngenca yelulaka lwami, ngentfukutselo lenkhulu ngitfulule sangcotfo, nemvula lenkhulu iyakwehla ngentfukutselo yami lenkhulu yembhubhiso.

Hezekeli 38:22

Ngiyawukhipha sigwebo sesifo lesibulalanako nesekucitseka kwengati; ngiyakwehlisela sihhuhhula semvula lenesangcotfo nesibabule lesivutsako etikwakhe nasetikwemabutfo akhe, nasetikwetive letinyenti letikanye naye.

Numeri 10:33

Satsi sive sema-Israyeli nasisuka eNtsabeni yaSimakadze, satsatsa emalanga lamatsatfu sihamba. Libhokisi lesivumelwane saSimakadze lalihamba embikwabo ngawo onkhe lawo malanga lamatsatfu, libabukela indzawo lapho kwakufanele baphumule khona.

Numeri 4:15

Nase bacedzile bo-Aroni nemadvodzana akhe kumbonya indzawo lengcwele nato tonkhe timphahla tayo, nenkambu yonkhe seyilungele kusuka ihambe, emaKhohati kufanele kube ngiwo letfwalako, kodvwa angatitsintsi letintfo letingcwele, funa afe. “Ngito leto tintfo tasethendeni lekuhlangana letifanele kwetfwalwa ngemaKhohati.

Numeri 4:5

“Nase kufanele kutfutfwe inkambu, bo-Aroni nemadvodzana akhe kufanele bangene ekhatsi ethendeni lekukhontela, betfule lendvwangu lesembikwelibhokisi lesivumelwane, bese baliphutsa ngayo.

Joshuwa 10:11

Ema-Amori atsi asehla abalekela baka-Israyeli, ehla ngemgwaco losuka eBhethi Horoni uye e-Azekha, Simakadze wehlisa ematje lamakhulu esangcotfo, awehlisela etikwawo. Linyenti lema-Amori labulawa ngulamatje kunalabo labafa ngekugwazwa ngema-Israyeli.

Sembulo 11:13

Ngaso leso sikhatsi kwaba khona kutamatama lokukhulu kwemhlaba, incenye yelishumi yelidolobha yabhidlika. Kwafa bantfu lababeti-7 000 kuloko kutamatama, laba labanye batfutfumela badvumisa Nkulunkulu welizulu.

Sembulo 11:15

Ingilosi yesikhombisa yashaya licilongo layo, kwase kuba nemisindvo lemikhulu kakhulu ezulwini itsi: “Umbuso walomhlaba sengumbuso weNkhosi yetfu, naKhristu wakhe; iyawubusa kuze kube phakadze naphakadze!”

Sembulo 12:1

Kwase kuba khona sibonakaliso lesikhulu ezulwini, umfati embetse lilanga, inyanga ingaphansi kwetinyawo takhe, enhloko kunemchele wetinkhanyeti letili-12.

Sembulo 16:1

Ngase ngiva livi lelikhulu liphuma ethempelini litjela tingilosi letisikhombisa litsi: “Hambani niyewutfululela emhlabeni letitja letisikhombisa letinelulaka lwaNkulunkulu.”

Sembulo 16:18

Kwaba nebumanyamanya bemibane, nemisindvo lemikhulu, nekudvuma, nekutamatama kwemhlaba lokungazange sekube khona seloku kwadalwa umuntfu; ngempela kwaba kutamatama kwemhlaba lokukhulu kakhulu.

Sembulo 16:21

Kwehla lesikhulu sangcotfo, lesingematje lamakhulu, sisindvo sawo lilinye litje bekungaba ngemakhilogremu langema-50. Lesangcotfo sehlela kubantfu labacalekisa Nkulunkulu ngenca yeluswati lababeshaywa ngalo, ngobe lwalwesabeka kakhulu.

Sembulo 19:11

Ngase ngibona lizulu livulekile, bekunelihhashi lelimhlophe. Lona bekaligibele abebitwa ngekutsi nguLotsembekile naLiciniso; umsulwa ekwehluleleni kwakhe nasekulweni kwakhe.

Sembulo 4:1

Emvakwaloko ngatsi ngiyabuka, ngabona umnyango uvuliwe ezulwini. Livi lekucala lengaliva likhuluma kimi lalifanana nelelicilongo, latsi: “Yenyukela la, ngitakukhombisa loko lokufanele kwenteke emvakwaloku.”

Sembulo 4:5

Kulesihlalo sebukhosi bekuphuma imibane, nemavi, nekudvuma. Embikwaso bekuvutsa tidlwane letisikhombisa letingimimoya lesikhombisa yaNkulunkulu.

Sembulo 7:15

Kungako nje basembikwesihlalo sebukhosi saNkulunkulu, bamkhonta imini nebusuku ethempelini lakhe; lowo lohlala esihlalweni sebukhosi uyawubasingatsa ngebukhona bakhe.

Sembulo 8:5

Lengilosi yasitsatsa lesitja yasigcwalisa ngemlilo lowawuselatini, yawujikijela emhlabeni; kwase kuba khona kudvuma, nemavi, nemibane nekutamatama kwemhlaba.

Sembulo 8:7

Ingilosi yekucala yalishaya licilongo layo, kwase kulandzela sangcotfo nemlilo kuhlangene nengati lokwawela emhlabeni; incenye yesitsatfu yemhlaba yasha yaphela, nencenye yesitsatfu yetihlahla yasha yaphela, kanye netjani bonkhe lobuluhlata basha baphela.