Ruthe 4:13 - Siswati 1996 Bible

¹³ Ngako Bowazi watsatsa Ruthe, waba ngumkakhe. Simakadze wambusisa, Ruthe watetfwala, watala indvodzana.

Ruthe 4:13 Referencias Cruzadas

Genesisi 20:17

Abrahama wathandaza kuNkulunkulu. Nkulunkulu waphilisa Abimeleki, nemkakhe, netisebenti letisikati kuze bonkhe batale bantfwana.

Genesisi 25:21

Isaka wathandazela umkakhe kuSimakadze, ngobe abeyinyumba. Simakadze wawuphendvula umthandazo wakhe; Rebheka, umka-Isaka, wakhulelwa.

Genesisi 29:31

Watsi kube abone Simakadze kutsi Leya uyaliwa, wavula sitalo sakhe; kepha Rakheli waba yinyumba.

Genesisi 30:2

Jakobe watfukutselela Rakheli, wadzimate watsi: “Kantsi mine nginguNkulunkulu yini, longuyena avale sitalo sakho?”

Genesisi 33:5

Esawu watsi uyabuka wabona bafati nebantfwana, wabuta watsi: “Bobani laba lohamba nabo?” Jakobe wamphendvula watsi: “Laba-ke bantfwana Nkulunkulu layiphe bona inceku yakho.”

Tihlabelelo 113:9

Inyumba uyipha umuti wayo, ayente ijabule ibe ngunina webantfwana. Haleluya, dvumisani Simakadze!

Tihlabelelo 127:3

Bantfwana balifa leliphuma kuSimakadze, basibusiso lesivela kuye.

Ruthe 3:11

Cha, ndvodzakati yami, ngitakwentela konkhe loko lokucelako, ngako ungesabi. Tonkhe takhamiti talesigodzi tiyati kutsi ungumfati sibili.

Ruthe 4:12

Shangatsi bantfwana lotawubaphiwa nguSimakadze ngalomakoti bangenta umndeni wakho ufanane nemndeni waPheresi Thamari lowamtalela Juda.”

1 Samuweli 1:27

Ngathandaza ngicela lomntfwana, Simakadze wase uyangipha loko lengangikucele kuye.

1 Samuweli 2:5

Labo lababesutsa sebaticashisela kudla, kodvwa labo labebalambile abasalambi. Lowo labeyinyumba sewutele bantfwana labasikhombisa, kodvwa lowo labenebantfwana labanyenti sewuyandzindza.