Ruthe 4:11 - Siswati 1996 Bible

¹¹ Bonkhe bantfu nelemisumphe leyayisesangweni yatsi: “Vele, sibofakazi. Shangatsi lomakoti lotawungena ekhaya lakho, Simakadze angamenta afanane naboRakheli naLeya, labasungula sive sema-Israyeli bobabili ngekutalela Jakobe bantfwana labanyenti. “Shangatsi ungema kahle kulolusendvo lwaka-Efratha, watiwe eBhetlehema.

Ruthe 4:11 Referencias Cruzadas

Genesisi 23:10

Efroni labehleti emkhatsini wemaHethi waphendvula Abrahama eva onkhe emaHethi labengena esangweni lelidolobha,

Genesisi 24:60

Bambusisa Rebheka batsi kuye: “Hamba kahle, dzadzewetfu. Shangatsi ungaba ngunina wetinkhulungwane tetinkhulungwane; shangatsi intalo yakho ingawancoba emadolobha etitsa tayo.”

Genesisi 29:16

Labani abenemadvodzakati lamabili, lendzala bekunguLeya, lencane kunguRakheli.

Genesisi 29:25

Ekuseni ngakusasa Jakobe kwangukhona abona kutsi nguLeya. Jakobe waya kuLabani wafike watsi: “Yini lena longenta yona? Kantsi bengingasebenteli Rakheli yini? Manje ungilutseleni?”

Genesisi 29:32

Leya wakhulelwa, watala indvodzana, wayetsa libito watsi nguRubeni, ngobe abetsi: “Simakadze ukubonile kuhlupheka kwami, manje indvodza yami seyitangitsandza.”

Genesisi 35:23

Emadvodzana aLeya bekuboRubeni, litubulo laJakobe, bese kuba nguSimeyoni, naLevi, naJuda, na-Isakhari, naZebuloni.

Genesisi 35:24

Emadvodzana aRakheli bekuboJosefa naBhenjamini.

1 Emakhosi 21:8

Ngako wabhala tincwadzi ngelibito la-Ahabi, wanamatsisela luphawu lwa-Ahabi kuto, watitfumela kubaholi nebahlonishwa labahlala edolobheni lakaNabothi kanye naye Nabothi.

1 Tikhronike 2:51

naSalma, uyise waBhetlehema, naHarefi, uyise waBhethi Gaderi.

Tihlabelelo 132:6

Seva ngelibhokisi lesivumelwane ngesikhatsi siseBhetlehema, salikhandza kulaseJeyarimu.

Taga 14:1

Umfati lohlakaniphile uyawakha umuti wakhe; kepha losilima uwubhidlita ngetakhe tandla.

Taga 31:23

Indvodza yakhe iyahlonishwa emasangweni, lapho ingulenye yemalunga emsumphe khona.

Jeremiya 32:10

Lencwadzi yesivumelwane ngayisayina, ngayivala ngeluphawu, ngafakazelwa, ngase ngikala lesiliva etikalini.

Mikha 5:2

Simakadze utsi: “Betlehema Efratha, nome ungulomunye wemiti lemincane yakaJuda, kodvwa ngiyawuveta kuwe umbusi loyawubusa sive saka-Israyeli. Lusendvo lwakhe luyawusukela kulolo lwaluvele lukhona kwasekucaleni.”

Matewu 2:6

“ ‘Nawe, Bhetlehema, live lakaJuda, awumncane kangako kunebabusi bakaJuda; ngobe kuwe kuyawuphuma umbusi loyakwelusa sive sami sema-Israyeli.’ ”

Dutheronomi 25:7

“Noko nangabe indvodza ingafuni kungena lomfati wemnakabo, lomfelokati uyawuhamba aye kubaholi enkhundleni, afike atsi: ‘Umkhula wami akafuni kwenta umsebenti wakhe, akafuni kuvusa libito lemnakabo lapha ka-Israyeli.’

Dutheronomi 25:9

lomfelokati utawube sewusondzela kulomkhula wakhe embikwebaholi, afike kuye akhiphe lenye yetincabule kulomkhula wakhe, aphindze amkhafulele ebusweni atsi: ‘Naku-ke lokufanele kwentiwa endvodzeni leyala kuvusela umnakabo indlu.’

Ruthe 1:2

Libito lalendvodza kwakungu-Elimeleki, umkayo kunguNawomi, emadvodzana ayo kunguMahaloni naKhiliyoni. Babebesive sema-Efratha eBhetlehema yakaJuda. Bafike bacaba bahlala kulo lelive lakaMowabi.