Ruthe 4:1 - Siswati 1996 Bible

¹ Bowazi wesuka lapho waya esangweni lelidolobha, wafike wahlala phansi. Kwabe sekufika lesihlobo sengati lakhuluma ngaso kuRuthe. Bowazi wasibitela eceleni, watsi: “Ase ute ngalapha, mnganami, uhlale phansi sikhulume.” Nembala waphambuka, wafike wahlala phansi.

Ruthe 4:1 Referencias Cruzadas

Genesisi 19:1

Natifika eSodoma letingilosi letimbili, Loti abehleti esangweni lalowo muti. Watsi kube atibone, Loti wasukuma watihlangabeta; watikhotsamela,

Genesisi 23:10

Efroni labehleti emkhatsini wemaHethi waphendvula Abrahama eva onkhe emaHethi labengena esangweni lelidolobha,

Genesisi 34:20

Ngako-ke Hamoni nemsa wakhe Shekhemu bancandzeka baya enkhundleni yakubo esangweni lelidolobha, bafike bamemetela kutakhamiti tabo batsi:

2 Samuweli 15:2

Abevuka ekuseni eme eceleni kwemgwaco lowawucondze esangweni lelidolobha laseJerusalema. Kwakutsi njalo nje nakufika umuntfu nesikhalo sakhe, lasiletse enkhosini, khona itewukhipha sincumo, Absalomu ambute atsi: “Uphuma kuliphi lidolobha?” umuntfu aphendvule atsi: “Inceku yakho iphuma kulesinye setive tema-Israyeli.”

2 Tikhronike 18:9

Babegcoke imijiva yabo yebukhosi bo-Ahabi, inkhosi yaka-Israyeli, banaJehoshafati, inkhosi yakaJuda, bahleti etihlalweni tabo tebukhosi, bahleti ebaleni lekubhulela kolo, eceleni kwelisango lelingena eSamariya; bonkhe baphrofethi bebaphrofetha embikwabo.

Jobe 29:7

“Ngangitsi nangisondzela ngasemasangweni elidolobha, ngitsi nangitsatsa sikhundla sami enkhundleni yelidolobha,

Jobe 31:21

nangabe ngake ngaphakamisa sandla sami etikwaloyintsandzane, ngati kahle kutsi mine ngiyalalelwa enkhundleni,

Tihlabelelo 69:12

Ngiyindzabamlonyeni kulabahlala emasangweni; tidzakwa tihlabela tigiye ngami.

Taga 31:23

Indvodza yakhe iyahlonishwa emasangweni, lapho ingulenye yemalunga emsumphe khona.

Isaya 55:1

“Wotani, nonkhe nine lenomile, wotani emantini; nani nine lenite imali, sondzelani, nitsenge nidle! Wotani, nitsenge liwayini nelubisi ngaphandle kwemali nangaphandle kwetindleko.

Jeremiya 32:10

Lencwadzi yesivumelwane ngayisayina, ngayivala ngeluphawu, ngafakazelwa, ngase ngikala lesiliva etikalini.

Amose 5:15

Tondzani lokubi nitsandze lokulungile, etinkhundleni yehlulelani ngekungakhetsi. Mhlawumbe Simakadze Nkulunkulu longuSomandla angaba nesihawu kuyo insali yakaJosefa.

Zakhariya 2:6

“Balekani! Balekani! Sukani eveni lasenyakatfo,” kusho Simakadze, “ngobe nginisakatele emimoyeni yomine yelizulu,” kusho Simakadze.

Dutheronomi 16:18

“Khetsani behluleli kanye netindvuna tetinkhundla taleso naleso sive kuwo onkhe emadolobha enu Simakadze Nkulunkulu lanipha wona. Ngibo labayakwehlulela ngekungakhetsi.

Dutheronomi 17:5

lowo muntfu, indvodza nome umfati lowente loko lokubi, mletseni emasangweni enu, bese nimgcoba ngematje aze afe.

Dutheronomi 21:19

boyise nenina bayakuyitsatsa lendvodzana yabo, bayimikise kubaholi enkhundleni yalelo dolobha labo.

Dutheronomi 25:7

“Noko nangabe indvodza ingafuni kungena lomfati wemnakabo, lomfelokati uyawuhamba aye kubaholi enkhundleni, afike atsi: ‘Umkhula wami akafuni kwenta umsebenti wakhe, akafuni kuvusa libito lemnakabo lapha ka-Israyeli.’

Joshuwa 20:4

“Utawutsi nakabalekela kulelinye lalamadolobha afike eme esangweni lalelo dolobha alandzise yonkhe indzaba yakhe embikwabandlancane walelo dolobha. Kufanele lobandlancane amngenise ngekhatsi, bese umnika indzawo yekuhlala naye.

Ruthe 3:12

Yebo, kuliciniso kutsi ngisihlobo sakho sengati, noko sikhona lesisedvute kakhulu kuwe kunami.

Ruthe 3:18

Nawomi wamphendvula watsi: “Beketela, ndvodzakati, utawubona kutsi tintfo tihamba njani. Bowazi angeke asibeke sibunu sakhe phansi lamuhla angakayilungisi lendzaba.”