Ruthe 3:9 - Siswati 1996 Bible

⁹ Wambuta watsi: “Ungubani wena?” Wamphendvula watsi: “NginguRuthe, incekukati yakho, njengobe usihlobo sami sengati sengitetfula kuwe kutsi ungifukamele. Ngicela kutsi ungingene.”

Ruthe 3:9 Referencias Cruzadas

Hezekeli 16:8

“ ‘Kamuva ngatsi ngengca ngakuwe, ngatsi ngiyabuka ngakuwe, ngabona kutsi sewukhulile, sewungagana, ngakumbonya ngesembatfo sami ngakwembesa ngaso, ngivala bungcunu bakho. Ngakunika sifungo sami lesicinile, ngangena esivumelwaneni nawe, wena wase uba wami, kusho iNkhosi Simakadze.

Lukha 14:11

Ngobe wonkhe umuntfu lotiphakamisako uyawutfotjiswa, nalotitfobako uyawuphakanyiswa.”

Ruthe 2:20

Nawomi watsi kumalukatane wakhe: “Shangatsi Simakadze lonemusa kulabaphilako nalabafile angambusisa.” Wachubeka watsi: “Lomuntfu usihlobo setfu sengati, ungulomunye walabo labafanele kusinakekela.”

Ruthe 3:10

Bowazi watsi: “Shangatsi Simakadze angakubusisa, ndvodzakati yami. Ukhombise inhlonipho lenkhulu kimi kunalena loyikhombisa unyokotala. Ngisho phela ngobe naku awukagijimeli kuyakwendza emadvodzeni lasemancane, lacebile nome laphuyile.

Ruthe 3:12

Yebo, kuliciniso kutsi ngisihlobo sakho sengati, noko sikhona lesisedvute kakhulu kuwe kunami.

Ruthe 3:8

Ekhatsi nebusuku Bowazi watsi uyaphaphama wetfuka sekulele umuntfu lomsikati etinyaweni takhe.

Ruthe 4:4

ngako ngibone kufanele kutsi ngikwatise loko emkhatsini walaba kanye nalemisumphe yalelidolobha, ngitsi nangabe uyayifuna, yitsenge embikwalamadvodza. Kodvwa nangabe awuyifuni, shano, ngobe phela kute lomunye longayitsenga ngaphandle kwakho. Mine ngitayitsenga nakwehluleka wena.” Lendvodza yaphendvula yatsi: “Ngitayitsenga.”

Ruthe 4:6

Lendvodza yaphendvula yatsi: “Cha, nakunjalo, ngingeke ngiyitsenge lendzawo, ngobe phela loko kutawusho kutsi lendzawo ingeke ibe lifa lebantfwabami. Yitsenge wena, mine ngingeke ngikhone kuyitsenga.”

1 Samuweli 25:41

Abigayili wakhotsama abhekise buso bakhe phansi, watsi: “Nansi incekukati yakho, ilungele kukukhonta, nekugeza tinyawo tetinceku tenkhosi yami.”