Ruthe 2:22 - Siswati 1996 Bible

²² Nawomi waphendvula Ruthe, malukatane wakhe, watsi: “Kulungile-ke, ndvodzakati, kuncono ubuyele uyewusebenta kanye nalamantfombatana asensimini yakaBowazi; ngobe ensimini yalomunye bangahle bakuhluphe.”

Ruthe 2:22 Referencias Cruzadas

Taga 27:10

Ungakhohlwa umngani wakho nemngani weyihlo. Nawehlelwa yinhlupheko ungayi kuyawucela lusito kumnakenu; kuncono uye kumakhelwane losedvutane kunekuya kumnakenu lokhashane.

Ingoma Yetingoma 1:8

Nangabe awati, wena mfati lomuhle kakhulu, landzela etinyatselweni temhlambi wetimvu, uyewudlisa khona emazinyane etimbuti ngasemathendeni ebelusi.

Makho 14:66

Phetro asehleti entansi nelibala, kweta kuye intfombatana leyayingulesinye setisebenti temPhristi Lomkhulu;

Ruthe 2:21

Ruthe wachubeka wakhuluma kuninatala, watsi: “Ngetulu kwaloko uphindze watsi angichubeke kukhwimita naletisebenti takakhe kuze kuphele kuvuna.”

Ruthe 2:23

Ngako Ruthe wachubeka asebenta nalamantfombatana akaBowazi, baze bacedza kuvuna ibhali nakolo. Wachubeka kuhlala neninatala.