Ruthe 2:10 - Siswati 1996 Bible

¹⁰ Ruthe wakhotsamisa buso bakhe, wabonga, watsi: “Kungani ngizuze umusa longaka kuwe nekutsi unginake kangaka ngiwetive?”

Ruthe 2:10 Referencias Cruzadas

Genesisi 18:2

Abrahama watsi nakaphakamisa emehlo, wabona emadvodza lamatsatfu eme embikwakhe. Watsi kube awabone, wesuka emnyango welithende lakhe wagijima wawahlangabeta, wafike wakhotsama,

2 Samuweli 19:28

Tonkhe titukulwane tamkhulu wami betingakafanelwa lutfo ngaphandle kwekubulawa yinkhosi yami, nkhosi, kodvwa inceku yakho wayipha indzawo kutsi ihlale kanye nalabadla etafuleni lakho. Ngako angisenalungelo lekubuye ngicele lomunye umusa enkhosini yami.”

2 Samuweli 7:18

Inkhosi Davide yase iyahamba yayawungena ethendeni lebukhona baSimakadze, yafike yahlala phansi, yathandaza yatsi: “Bengingubani mine, Nkhosi Simakadze? Yona indlu yeketfu beyiyini, kutsi ungangihola kuze kube ngumanje?

2 Samuweli 9:8

Mefiboshethi wakhotsama, watsi: “Iyini inceku yakho, kutsi ungaze unakekele inja lefile njengami?”

Levithikusi 19:34

Umchamuki lohlala eveni lakini ubomphatsa njengemuntfu wakini. Umtsandze njengobe utitsandza wena, ngobe nani nake naba tihambi eveni laseGibhithe. NginguSimakadze.

Matewu 25:35

Ngobe ngangilambile, nangipha kudla; ngangomile, nanginatsisa; ngangisihambi, nangemukela emitini yenu;

Lukha 1:43

Yini ngibe nenhlanhla kutsi ngivakashelwe ngunina weNkhosi yami?

Lukha 1:48

ngobe ungikhumbulile, mine ncekukati yakhe leyedzelelekile. Kusukela lamuhla tonkhe titukulwane tiyawungibita titsi ngibusisekile,

KubaseRoma 12:10

Tsandzanani ngelutsandvo lwebuzalwane, nijakiselane ngekuhloniphana.

Ruthe 2:11

Bowazi waphendvula watsi: “Sebangitjele konkhe lokwentele unyokotala, seloku kwafa indvodza yakho. Bangitjela nangekusuka kwakho kini, washiya uyihlo nenyoko, nelive lakini lemdzabu, weta esiveni lowawungasati.

Ruthe 2:13

Ruthe wamphendvula watsi: “Maye, ube nemusa kimi, mnumzane, ngobe sewungidvudvutile, wangikhulumisa ngemoya lomuhle mine ncekukati yakho, lite ngingesiye lomunye wetincekukati takho.”

Ruthe 2:19

Nawomi wabuta Ruthe watsi: “Lamuhla bewukhwimita kuphi? Bewusebenta kuphi? Ubusisiwe lowo muntfu lokunakile!” Ruthe waphendvula watsi: “Lamuhla bengisebenta ensimini yemuntfu lekutsiwa nguBowazi.”

Ruthe 2:2

Ruthe, umMowabi, wakhuluma kuNawomi, watsi: “Kuncono ngihambe ngiye ensimini ngiyewukhwimita emvakwalowo lengingahle ngitfole kuye umusa.” Nawomi waphendvula watsi: “Hamba, ndvodzakati yami.”

Ruthe 2:9

Wena ubukisise insimi lapho bavuna khona, bese uyabalandzela. Lamajaha ngiwayale kutsi angakutsintsi. Nase womile, ubonatsa kuletimbita letigcwaliswe ngulamajaha.”

1 Samuweli 25:23

Watsi kube Abigayili abone Davide, washesha wehla embongolweni yakhe, wakhotsama embikwaDavide abhekise buso bakhe phansi.