Ruthe 1:14 - Siswati 1996 Bible

¹⁴ Baphindze basicala phansi futsi sililo. Opha wanga uninatala wakhe wahamba, kodvwa Ruthe wanamatsela kuye.

Ruthe 1:14 Referencias Cruzadas

Genesisi 31:28

Awukangivumeli ngani kutsi ngivalelise emadvodzana nemadvodzakati ami ngekuwanga? Ibulima-ke lentfo loyentile.

Genesisi 31:55

Labani wavuka ngakusasa ekuseni ngetingweti, wanga batukulu bakhe nemadvodzakati akhe, wababusisa, wancandzeka wabuyela ekhaya kakhe.

2 Samuweli 19:39

Ngako bonkhe bantfu base bewela umfula iJordane, nenkhosi yase iyewela. Inkhosi yavalelisa Bhazilayi ngekumanga nangekumbusisa. Bhazilayi wase uyancandzeka ubuyela ekhaya kakhe.

1 Emakhosi 19:20

Elisha washiya leto tinkhabi walandzela Elija, wakhuluma kuye watsi: “Ase ngimane ngange bobabe namake, ngibavalelise, ngitawube sengiyabuya ngita lapha kuwe.”

Taga 17:17

Umngani unelutsandvo ngaso sonkhe sikhatsi; kantsi umnakenu utalelwe kutsi netfwalisane naye tinhlupheko.

Taga 18:24

Labanye bangani bayakuhlamuka; kodvwa labanye bangani basondzela kakhulu kwengca banakenu bengati.

Isaya 14:1

Simakadze utawubonakalisa sihawu sakhe kuJakobe, utawuphindza futsi akhetse ema-Israyeli, awabuyisele eveni lawo. Betive batawutihlanganisa nawo, batihlanganise nendlu yaJakobe.

Zakhariya 8:23

Naku lokushiwo nguSimakadze longuSomandla, utsi: “Ngalawo malanga emadvodza lalishumi lasuka kuto tonkhe tilwimi netive ayawunkonkoshela umJuda munye ngemphetfo wesembatfo sakhe, atsi: ‘Asihambisane nani, ngobe sivile kutsi Nkulunkulu unani.’ ”

Matewu 10:37

“Lotsandza uyise nome unina kwengca mine, akangifaneli; nalotsandza indvodzana yakhe nome indvodzakati yakhe kwengca mine, akangifaneli.

Matewu 16:24

Jesu wakhuluma kubafundzi bakhe watsi: “Umuntfu nakafuna kungilandzela, akatidzele, etjatse siphambano sakhe, angilandzele.

Matewu 19:22

Lelijaha nalikuva loko, lahamba lidzabukile, ngobe belicebe kakhulu.

Imisebenti yebaPhostoli 17:34

Kepha lamanye emadvodza atihlanganisa naye akholwa. Emkhatsini wawo bekukhona naDiyonisiyusi labelilunga le-Ariyophagusi nemfati labenguDamarisi kanye nalabanye.

Dutheronomi 10:20

Yesabani Simakadze Nkulunkulu wenu, nimkhonte. Bambelelani kuye nitsatse tifungo tenu egameni lakhe.

Dutheronomi 4:4

kodvwa nonkhe nine lenabambelela kuSimakadze Nkulunkulu wenu nisaphila nalamuhla.

2 kuThimothi 4:10

Demasi sewungibalekele waya eThesalonika, ngenca yekutsandza lelive. Khresensi waya eGalathiya, Thithusi waya eDalmathiya;

KumaHebheru 10:39

Kepha tsine asikho kulabo labahlehla nyova badzimate babhubhe; kodvwa sikulabo labanekukholwa, aze Nkulunkulu asindzise imiphefumulo yabo.

Ruthe 1:13

benitawemela yini adzimate akhule? Beningahlala ningendzi yini? Cha, madvodzakati ami, mine ngibuhlungu kabi ngani kutsi sandla saSimakadze simelene nami.”

Ruthe 1:15

Ngako-ke Nawomi wakhuluma kuRuthe, watsi: “Angitsi uyabona kutsi dzadzewenu sewuhambile wabuyela kubo, nawe-ke ncandzeka kanye naye.”

Ruthe 1:7

Besuka lapho, base balibangisa eveni lakaJuda.

Ruthe 2:11

Bowazi waphendvula watsi: “Sebangitjele konkhe lokwentele unyokotala, seloku kwafa indvodza yakho. Bangitjela nangekusuka kwakho kini, washiya uyihlo nenyoko, nelive lakini lemdzabu, weta esiveni lowawungasati.