Obadiya 1:5 - Siswati 1996 Bible

⁵ “Kube bewungagcekezelwa ngemasela nome-ke ungenelwe tigelekece ebusuku, betingeke tatitapela ngekufuna kwato yini? Kube bavuni bemagelebisi bebete kuwe bebangete bawachulula kusale abe mbalwa yini? Kodvwa titsa tiyakunicitsa niphele nya.

Obadiya 1:5 Referencias Cruzadas

2 Samuweli 1:19

“Bukhosi bakho, Israyeli, bulele phansi, bubulawelwe etintsabeni. Emachawe lanemandla kakhulu asawile!

Isaya 14:12

“Maye, lokuwa kwakho ezulwini! Awu, nkhwekhweti yekusa! Ndvodzana yentsatsakusa! Ugeciwe walahlwa phansi, wena lowake walalisa tive lunja!

Isaya 17:6

Noko letinye tibhuluja tiyawusala, njenganakuphundlwa sihlahla semncumo, bese kusala titselo temncumo letibili nome letitsatfu emagaleni lasetulu esicongweni sesihlahla, kusale lamane nome lasihlanu emagaleni latsele kakhulu,” kusho Simakadze longuNkulunkulu wema-Israyeli.

Isaya 24:13

Kuyawuba njalo emhlabeni, nakuto tonkhe tive kube njengesihlahla semncumo nasivitsitiwe, nanjengaloko lokusele nakuvunwa emagelebisi.

Jeremiya 49:9

Kube bavuni bemagelebisi bebangefika lapha kini, bebangete banishiyela yini lambadlwana? Kube emasela abengefika ebusuku, abengete akweba yini loko lakutsandzako kuphela?

Jeremiya 50:23

Maye, kubhidlitwa nekuhhohloka kwesandvo sawo wonkhe umhlaba! Maye, icitsiwe iBhabhulona emkhatsini wetive!

Jeremiya 6:9

Naku lokushiwo nguSimakadze longuSomandla, utsi: “Abakhukhute insali yaka-Israyeli, bayikhwimite njengemvini; phindza wendlulise sandla sakho etikwemagala, ulingise umuntfu lovuna emagelebisi.”

Sililo 1:1

Maye! laze lasala likhala libhungane lidolobha, yebo, lidolobha lelake lanyakatela bantfu! Awu! laze lafanana nemfelokati, lidolobha lelake ladvuma emkhatsini wetive! IJerusalema leyake yaba yindlovukazi emkhatsini wemave, nyalo seyigucuke yaba sigcili.

Obadiya 1:9

Emabutfo akho, Themani, ayakutfutfumela, bonkhe bantfu labaseveni letintsaba, lekulive laka-Edomu, bayakubulawa.”

Mikha 7:1

Kute litsemba! Mine ngifanana nemuntfu lolambile lotfole tihlahla tite titselo nemagelebisi kute emvinini. Onkhe emagelebisi kanye nemakhiwa lamnandzi bawakhe bawacedza.

Zefaniya 2:15

Leli lidolobha lelinganaki lutfo, lelaliphila liphephile. Latikhulumela lona, latsi: “Ngimi ngimi, kute futsi lelinye ngaphandle kwami.” Maye, imbhubhiso lese lingiyo, seliyindzawo yekubutsanela tilwane tesiganga! Bonkhe labendlula ngakulo bayalishalatelela, balihheletele ngetandla tabo.

Dutheronomi 24:21

Nanivuna emagelebisi etivinini tenu, ningabuyeli kuto kuyawukhwimita. Loko lokusele kushiyeleni tindzindzi, netintsandzane kanye nebafelokati.

Sembulo 18:10

Ayawuma bucalu ngobe ayawube esaba kutfoswa kwayo ngetinhlupho, ayawutsi: ‘Maye! Maye! Hhawu, Bhabhulona! Dolobha lelikhulu lelinemandla! Kwehlulelwa kwakho sekwenteke ngesikhashana nje!’ ”