Obadiya 1:3 - Siswati 1996 Bible

³ Kutigcabha kwenhlitiyo yakho kukwedukisile, wena uhlala endlunkhulu yakho lesemifantwini yemadvwala. Umuti wakho usetulu etintsabeni. Wena utitjela utsi: ‘Ngubani nje longangehlisela phansi?’

Obadiya 1:3 Referencias Cruzadas

Genesisi 36:8

Ngako-ke Esawu, labekatiwa ngekutsi ngu-Edomu, wahlala eveni letintsaba eSeyiri.

2 Emakhosi 14:7

Nguye lowehlula ti-10 000 tema-Edomu eSigodzini Seluswayi, watfumba iSela emphini, wayetsa libito watsi yiJokthiyeli, lelo kuselibito layo nalamuhla loku.

2 Tikhronike 25:11

Amasiya waticinisa emandla, wahola emabutfo akhe wacondza eSigodzini Seluswayi, lapho afike wabulala emadvodza aseSeyiri lati-10 000.

2 Tikhronike 25:12

Emabutfo akaJuda nawo atfumba emadvodza lati-10 000, awatsatsa aphila, enyuka nawo intsaba, aze efika esicongweni, ase awajikijela phansi, aye asaphateka aba ticucu.

Jobe 20:6

Nome kuphakama kwalomubi kuze kuphikelele emazulwini nje, nenhloko yakhe itsi ayitsintse emafu,

Taga 16:18

Kutigcabha kwendvulela kufa, nemoya wekutiphakamisa wendvulela kuwa.

Taga 18:12

Umuntfu lotigcabhako uyawubhujiswa, umuntfu lotitfobako uyadvunyiswa.

Taga 29:23

Kutigcabha kwemuntfu kumletsela kuwa; kodvwa lotfobekile utfola kuhlonipheka.

Isaya 16:6

Sivile ngekutiphakamisa kwebakaMowabi, nangekuchosha kwabo lokukhulu nekutigcabha kwabo, nangekutigabatisa kwabo, nekucolosha kwabo; noko kutishaya sifuba kwabo kulite.

Jeremiya 21:13

Ngiphambene nawe, Jerusalema, wena lohlala ngetulu kwalesihosha entsabeni lengemadvwala, kusho Simakadze. Nine lenikhulumako, nitsi: “Ngubani nje longasihlasela? Ngubani longangena kulenqaba yetfu?”

Jeremiya 37:9

“Naku lokushiwo nguSimakadze, utsi: Ningatiyengi nicabange nitsi: ‘BaseBhabhulona ngempela batawuyekela.’ Bangeke!

Jeremiya 48:28

Shiyani emadolobha enu niyewuhlala emkhatsini wemadvwala, nine lenihlala kaMowabi. Lingisani lituba, lona lakha sidleke salo ekungeneni kwemgedze.

Jeremiya 49:16

Lokwesabeka kwakho nekukhukhumala kwenhlitiyo yakho kukuyengile, wena lohlala ekhatsi emifantfwini yemadvwala, wena lohlala eticongweni teligcuma. Nome wakha sidleke sakho lapha etulu njengelusweti, kodvwa ngiyawukwehlisela phansi,” kusho Simakadze.

Jeremiya 49:4

Nitishayelani tifuba ngenca yetigodzi tenu, nitigabatise ngetigodzi tenu letitselako? Awu, ndvodzakati lengaketsembeki, wetsembela ebunjingeni bakho utsi: ‘Ngubani lotangihlasela?’

Hezekeli 28:16

Ngekutsengisa kwakho lokunyenti wagcwala budlova, wase uyona. Ngako ngakulahla ngobe ungcolile ngekwemtsetfo, ngakususa entsabeni yaNkulunkulu, ngakucosha, awu, kherubhi lelalingumelusi, wesuka emkhatsini wematje emlilo.

Malakhi 1:4

Edomu angasho atsi: “Nome sipitjitiwe, kodvwa sitawutakha kabusha letindzala.” Kodvwa naku lokushiwo nguSimakadze longuSomandla, utsi: “Bangakha, kodvwa ngitawuphindze ngibhidlite. Bayawubitwa ngekutsi Live Lenkhohlakalo, sive lesihlala njalo singaphansi kwelulaka lwaSimakadze.