Obadiya 1:14 - Siswati 1996 Bible

¹⁴ Bewungakafaneli kuma emahlanganweni emigwaco khona utebabamba labo labaphunyulile. Bewungakafaneli kunikela ngensali yabo ngelilanga lekuhlupheka kwabo.”

Obadiya 1:14 Referencias Cruzadas

Genesisi 35:3

Sitawusuka la siye eBetheli, lapho ngitawufika ngakhe khona lilati laNkulunkulu, lowangiva wangiphendvula ngesikhatsi sekuhlupheka kwami, nalowaba nami yonkhe indzawo lapho ngangihamba khona.”

Tihlabelelo 31:8

Awunginikelanga esandleni sesitsa, tinyawo tami utimise endzaweni lebanti.

Isaya 16:3

Batsi kubakaJuda: “Sinikeni seluleko, nisentele sincumo. Nisisibekele ngesitfunti senu sibe njengebusuku emini, kala bha. Fihlani labo lababalekile, ningatsengisi ngalababalekele kini.

Isaya 16:4

Hlalani nabo lababaleke kulakaMowabi, nibe sivikelo sabo kumbulali.” Umcindzeteli utawuphela, bese iyema imbhubhiso; umuntfu welutfutfuva utawunyamalala eveni;

Isaya 37:3

Bamtjela batsi: “Naku lokushiwo nguHezekiya, utsi: ‘Lelilanga lalamuhla lilanga lenjabhiso, nekutsetsiswa, nelihlazo, njenganakufika tikhatsi tekubelekwa kwebantfwana kube kute emandla ekubabeleka.

Jeremiya 30:7

Maye, liyesabeka lelo langa, kute leliyawuse libe njengalo. Kuyawuba sikhatsi senhlupheko kaJakobe, kodvwa uyawusindziswa kuso.

Amose 1:6

Naku lokushiwo nguSimakadze, utsi: “Bantfu baseGaza bone kwaze kwengca, ngaleso sizatfu ngingeke ngihlale ngingabajezisi. Batfumba yonkhe imindeni yesive bayitsengisa ka-Edomu.

Amose 1:9

Naku lokushiwo nguSimakadze, utsi: “Bantfu baseThire bone kwaze kwengca, ngaleso sizatfu ngingeke ngihlale ngingabajezisi. Batfumba yonkhe imindeni yesive bayitsengisa ka-Edomu, bangete basigcina sivumelwane sebuhlobo lesasentiwe.

Obadiya 1:12

Bekungakafaneli umbukele phansi umnakenu, nakavelelwe ngulokubi. Bewungakafaneli utsakase nangabe bakaJuda behlelwa yimbhubhiso. Yebo, bewungakafaneli kubacoloshela namzukwane behlelwa yinhlupheko.

Matewu 22:9

Ngako-ke hambani niye etinhlanganweni tetindlela nemigwaco; nimeme bonkhe lenibabonako kutsi bete edzilini.’