Numeri 9:20 - Siswati 1996 Bible

²⁰ Ngaletinye tikhatsi lelifu lalike libesetikwelithende lekukhontela emalanga lambalwa; abetsi Simakadze angawatjela kutsi akeme, bese ayemisa atsi angawatjela kutsi akahambe, vele atfutse.

Numeri 9:20 Referencias Cruzadas

Tihlabelelo 48:14

kutsi loNkulunkulu unguNkulunkulu wetfu phakadze naphakadze; uyawusihola ngisho nasekufeni.

Taga 3:5

Tsemba Simakadze ngayo yonkhe inhlitiyo yakho, ungeyami ekwatini kwakho.

Taga 3:6

Matise kuko konkhe lokwentako, yena uyakucondzisa tindlela takho.

Numeri 10:13

Babecala kutfutsa bayalwa nguSimakadze ngemlomo waMosi.

Numeri 9:18

Ema-Israyeli abetfutsa ngekuyalwa nguSimakadze, ngalokufananako abemisa nase kusho Simakadze. Babengatfutsi kuleyo nkambu, nangabe lelifu seloku lisetikwelithende lekukhontela.

Numeri 9:19

Nangabe lelifu lihleti etikwelithende lekukhontela emalanga lamanyenti, ema-Israyeli abelalela umyalo waSimakadze, angatfutsi.

Numeri 9:21

Ngaletinye tikhatsi lelifu lalihlala etikwelithende kusukela kusihlwa kuze kube ngusekuseni, litsi lingaphakama ekuseni, batfutse futsi. Babechubeka bahambe nase kuphakeme lelifu nome ngusemini nome ngusebusuku.

Dutheronomi 7:21

Ningabesabi, ngobe Simakadze Nkulunkulu wenu, losemkhatsini wenu, unguNkulunkulu lomkhulu nalowesabekako.