Numeri 7:84 - Siswati 1996 Bible

⁸⁴ Lena-ke ngiminikelo yebaholi besive saka-Israyeli yekunikela lilati nase ligcotjwe ngemafutsa, seyiyonkhe yema kanje: emapulede esiliva labeli-12, netindishi tesiliva tekunyenyeta letili-12, netingwembe tegolide letili-12.

Numeri 7:84 Referencias Cruzadas

Eksodusi 25:29

Ubenta emapulede, netindzebe, nemajeke, netindishi temnikelo wewayini; tonkhe letintfo kufanele tentiwe ngegolide lecengekile.

Numeri 7:1

Watsi kube Mosi acedze kumisa lithende lekukhontela, waligcoba ngemafutsa, walinikela kanye nato tonkhe timphahla letihambisana nalo. Waphindze wagcoba lilati nato tonkhe titja talo.

Numeri 7:10

Latsi kube lelilati ligcotjwe ngemafutsa, baholi baletsa iminikelo yabo yekulinikela, bayibeka embikwalo.

Numeri 7:83

tinkunzana letimbili, netihhanca letisihlanu, netiphongo letisihlanu, nemazinyane lamadvuna etimvu lasihlanu, lanemnyaka munye budzala, kutsi kutewuba ngumnikelo wekuthula. Kwaba ngulowo-ke umnikelo wa-Ahira, umsa wa-Enani.

Numeri 7:85

Ngulelo nalelo pulede lalinesisindvo lesasingaba yikhilogremu nencenye, nguleyo naleyo ndishi yesiliva yekunyenyeta yayinesisindvo lesasingemagremu labengaba ngema-800. Setitonkhe tindishi tesiliva tatinesisindvo lesasingemakhilogremu labengaba ngema-28 ngekwesilinganiso lesisemtsetfweni.

KumaHebheru 13:10

Sinelilati, lapho khona umhlatjelo losetikwalo baphristi labakhonta ethendeni lekuhlangana bate lilungelo lekuwudla.

Sembulo 21:14

Lolubondza lwalelikhaya lwalunetisekelo tematje lali-12; etikwawo bekubhalwe emabito lali-12 ebaphostoli beliWundlu.