Numeri 6:3 - Siswati 1996 Bible

³ uyakwehlukana neliwayini netjwala. Akasayikuyinatsa iviniga leyentiwe ngeliwayini nome-ke nganguluphi luhlobo lwetjwala. Akukafaneli anatse nesinatfo semagelebisi, angasawadli ngisho nemagelebisi nome ngulomisiwe nome ngulamanti.

Numeri 6:3 Referencias Cruzadas

Levithikusi 10:9

“Wena nemadvodzana akho aniyikulinatsa liwayini nome tjwala nome yini ledzakisanako, nanitakuya ethendeni lekuhlangana, ngobe nanike nakwenta loko, niyawufa. Lomtsetfo kufanele ugcinwe titukulwane ngetitukulwane.

Amose 2:11

Ngaphindza nganivusela baphrofethi emkhatsini wemadvodzana enu kanye nebaNaziri emkhatsini wemajaha enu. Akusilo liciniso yini lelo, sive sema-Israyeli?” kusho Simakadze.

Amose 2:12

“Kodvwa nine nanatsisa baNaziri liwayini, nalela baphrofethi bami kutsi baphrofethe.

Numeri 6:4

Ngaso sonkhe sikhatsi sakhe sekutehlukanisela Simakadze akayikudla lutfo loluvela esihlahleni semvini, ngisho nenhlanyelo nome sikhumba semagelebisi.

Lukha 1:15

ngobe uyakuba ngumuntfu lomkhulu ebusweni baNkulunkulu, akayiwulinatsa liwayini nome-ke yini ledzakisako, uyawugcwaliswa ngaMoya Longcwele kusukela angakatalwa.

Lukha 21:34

“Ticaphelisiseni! Ningatifaki kakhulu emadzilini nasekunatseni lokudzakanako, nasekunakeni tintfo talomhlaba, funa lelo langa linitume;

Kubase-Efesu 5:18

Ningadzakwa, ngobe kuvela kuko inkhanuko, kodvwa gcwaliswani ngaMoya.

1 kubaseThesalonika 5:22

nikugege konkhe lokubonakala kukubi.

1 kuThimothi 5:23

Yekela kunatsa emanti odvwa, ubosale unatsa nelitsantana leliwayini ngenca yesisu sakho nangebutsakatsaka lobuvama kukuhlupha.

KumaHebheru 9:10

Ngobe phela loko kucondzene nalokudliwako nalokunatfwako nemisimeto yekuhlantwa. Lena yimitsetfo nje lephatselene nelingephandle letfu lebekelwe kutsi isebente, kudzimate kufike ingucuko yalokusha.

Tikhulu 13:14

Kufanele angadli lutfo loluhlutwe emvinini, anganatsi lutfo lolwentiwe ngewayini nome ngangusiphi sinatfo lesivutjelwe, angadli nalutfo lolungcolile ngekwemtsetfo. Kufanele ente konkhe loku lengimtjele kona.”

Tikhulu 13:4

Ticaphele wena-ke kutsi ungalinatsi liwayini nome ngabe sengusiphi-ke sinatfo lesivutjelwe, futsi ungasadli lutfo lolungcolile ngekwemtsetfo,