24 “ ‘Shangatsi Simakadze angakubusisa akugcine.
Ukhumbule kutsi ngitawuba nawe ngikulondvolote nome uyaphi, ngikubuyise kulo lelive. Ngobe ngingeke ngikushiye ngingakakwenti loku lesengikwetsembise kona.”
Manje-ke, shangatsi kungakujabulisa kubusisa indlu yenceku yakho, kuze ichubeke njalo embikwakho, ngobe wena, Nkhosi Simakadze, sewukukhulumile. Ngesibusiso sakho indlu yenceku yakho iyawubusiseka phakadze naphakadze.”
Shangatsi Simakadze anganibusisa aseSiyoni, yena lowadala lizulu nemhlaba.
Ngilondvolote njengenhlavu yeliso. Ngifihle ngaphansi kwemaphiko akho,
Sindzisa sive sakho, ubusise labo labalifa lakho. Beluse ubetfwale, kuze kube phakadze naphakadze.
Ngobe Nkulunkulu uyawuyala tingilosi takhe ngawe tikulondvolote ekuhambeni kwakho konkhe.
Mine, longuSimakadze, ngiyaselusa, ngisinisela njalo nje, ngiselusa imini nebusuku, kuze kutsi kubete muntfu losonako.
“Mine, Simakadze, ngikubite ngekulunga, ngiyawubamba sandla sakho. Ngitawugcina ngikwente kutsi ube sivumelwane sami nesive sami, ube kukhanya kubetive,
“Manje-ke Nkulunkulu wetfu, vani umthandazo nekuncusa kwenceku yakho. Ngenca yakho nje, Simakadze, mane ubuke ngesihawu lithempeli lakho lese libhidlitiwe.
Manje mine sengita kuwe; angisekho eveni, kodvwa bona baseseveni. Babe Longcwele, bagcine egameni lakho longiphe lona, kuze nabo babe munye, njengobe wena nami simunye.
Ngobe nawobonga Nkulunkulu usemoyeni, lona lote letipho angasho kanjani kutsi: “Amen,” kulokubonga kwakho? Ingani phela akakuva loko lokushoko.
Umusa awube nabo bonkhe labatsandza iNkhosi yetfu Jesu Khristu ngelutsandvo lolungapheli.
Umusa weNkhosi Jesu Khristu awube nemoya wenu.
Kuthula kwaNkulunkulu lokwendlula konkhe kwati kutawulondvolota tinhlitiyo tenu nemicabango yenu kuKhristu Jesu.
Shangatsi Nkulunkulu wekuthula anganingcwelisa ngalokuphelele, agcine umoya wenu, nemphefumulo wenu, nemtimba wenu, kungabi nasici ekubuyeni kweNkhosi yetfu Jesu Khristu.
Nkulunkulu uyawunigcina ngemandla akhe, njengobe nimetsemba, kube kusindziswa lokutakwembulwa ngesikhatsi sekugcina.
Kuye lonemandla ekunigcina, ningete nakhubeka, kuze aniletse ebukhosini bakhe, nite licala, nitfokota kakhulu,
Kwase kufika Bowazi aphuma eBhetlehema, wafike kubavuni watsi: “Simakadze akabe nani!” Bamphendvula batsi. “Simakadze akakubusise!”
“Uyakwelusa tinyawo talabangcwele bakhe, kodvwa lababi bona bayawubhujiswa ebumnyameni. Ngobe umuntfu akancobi ngetikhwepha takhe.
