Numeri 6:20 - Siswati 1996 Bible

²⁰ Umphristi uyakukujikitisa, ente umnikelo wekujikitiswa embikwaSimakadze; kusabelo lesingcwele semphristi kanye nemnikelo wemganga lojikitiswako, nemlente lonikelwe. Emvakwaloko-ke lomNaziri sekangalinatsa liwayini.

Numeri 6:20 Referencias Cruzadas

Umshumayeli 9:7

Hamba udle kudla kwakho ngenjabulo, unatse liwayini lakho ngenhlitiyo lejabulako, ngobe Nkulunkulu uyakuvumela kuloku lokwenta nyalo.

Isaya 25:6

Kulentsaba Simakadze longuSomandla utakwentela bantfu bonkhe lidzili lalokukhuluphele, lelimnandzi, yebo, lidzili leliwayini lelidzala lakadzeni, inyama lenhle kakhulu, netinhlobo letimnandzi teliwayini.

Isaya 35:10

labahlengiwe baSimakadze bayawubuya. Bayawungena eSiyoni ngekuhlabela, nangekujabula kwaphakadze lokuyawuba ngumchele etinhloko tabo. Bayawuhamba ngekutfokota nangekujabula, lusizi nekububula kuyawubaleka.

Levithikusi 10:15

Umlente lonikelwe nalomganga lojikitiswako bayakuwuletsa kanye nemafutsa emnikelo lowentiwa ngemlilo lojikitiswako kube ngumnikelo wekujikitiswa kuSimakadze. Uyakuba wenu newemadvodzana enu ube sabelo senu saphakadze naphakadze, njengobe Simakadze ashito.”

Levithikusi 23:11

yena uyawusijikitisa embikwaSimakadze, khona atewusemukela egameni lenu. Umphristi uyawusijikitisa ngelilanga lelilandzela liSabatha.

Levithikusi 7:30

Kufanele ayiletse yena matfupha ngetandla takhe kuSimakadze kutsi kube ngumnikelo lowentiwa ngemlilo. Utawuletsa emanoni alesilwane kanye nemganga waso, kuze kutsi lomganga utewujikitiswa ube ngumnikelo wekujikitiswa kuSimakadze.

Levithikusi 7:31

Umphristi uyawushisa lamafutsa etikwelilati, kodvwa lomganga uyawuba wa-Aroni kanye nemadvodzana akhe.

Levithikusi 7:32

Umlente wesekudla weminikelo yekuthula uyawuyetfula kulowo mphristi kutsi kube sabelo sakhe.

Levithikusi 7:34

Umganga lojikitiswako nalomlente wesekudla lonikelwe kumphristi ngiwutsetse esiveni sema-Israyeli ngawunika Aroni nemadvodzana akhe kutsi kube sabelo sabo titukulwane ngetitukulwane.’ ”

Levithikusi 9:21

Imiganga nemlente wangesekudla Aroni wakujikitisa embikwaSimakadze, kwaba ngumnikelo wekujikitiswa, njengobe Mosi abeshito.

Zakhariya 10:7

Baka-Efrayimu bayawuba njengemadvodza lanemandla kakhulu, tinhlitiyo tabo tiyawutfokota kube shangatsi ngungeliwayini. Bantfwababo bayawukubona bajabule. Tinhlitiyo tabo tiyawujabula ngaSimakadze.

Zakhariya 9:15

Simakadze longuSomandla uyakubavikela bantfu bakhe. Bayawubhubhisa bancobe ngematje etilingi. Bayawunatsa ingati babhodle kube shangatsi ngungeliwayini; bayawucitsa ingati yetitsa tabo iphuphume njengesitja lesisetjentiswa ekunyenyeteni emakona aselatini.

Zakhariya 9:17

Maye, live lakhe liyawuba lihle bo! Futsi liyawubukeka lilihle kakhulu. Lokutinhlavu kuyawukwenta tinsizwa tiphumelele, neliwayini lelisha lente emantfombatane ondleke.

Numeri 18:18

Inyama yawo kufanele ibe yakho, njengemganga wemnikelo wekujikitiswa, nemlente wesekudla ube wakho.

Numeri 5:25

Umphristi utawutsatsa lomnikelo walokutinhlavu wesikhwele etandleni talomfati awujikitise embikwaSimakadze, bese uwubeka etikwelilati.

Numeri 6:21

Lona-ke ngumtsetfo wemNaziri lowenta sifungo. Umnikelo wakhe kuSimakadze uyakuya njengekwetsembisa kwakhe njengemNaziri ngetulu kwaloko langakhona kunikela ngako. Kufanele agcwalise sifungo sakhe lasentile njengekwemtsetfo wemNaziri.’ ”

Matewu 26:29

Kepha ngitsi kini: Kusukela lamuhla angisayiwunatsa kulesitselo semvini, kuyawudzimate kufike lelo langa lengiyakusinatsa ngalo nani sesisisha embusweni waBabe.”

Makho 14:25

Ngicinisile, ngitsi kini: Angeke ngiphindze nginatse kulesitselo semvini, kuyawudzimate kube ngulelo langa nase ngisinatsa sisisha embusweni waNkulunkulu.”

Johane 19:30

Watsi kube alemukele leliwayini Jesu, wase utsi: “Kuphelele.” Wagebisa inhloko yakhe, wakhulula umoya wakhe, wafa.