Numeri 5:25 - Siswati 1996 Bible

²⁵ Umphristi utawutsatsa lomnikelo walokutinhlavu wesikhwele etandleni talomfati awujikitise embikwaSimakadze, bese uwubeka etikwelilati.

Numeri 5:25 Referencias Cruzadas

Eksodusi 29:24

Konkhe lokudla kwetfule etandleni ta-Aroni nasetandleni temadvodzana akhe, bakujikitisele kimi njengemnikelo lojikitiselwe kuSimakadze.

Levithikusi 8:27

Konkhe lokudla wakwetfula etandleni tabo-Aroni nemadvodzana akhe, base bayakujikitisa kutsi kube ngumnikelo wekujikitiswa kuSimakadze.

Numeri 5:15

lendvodza kufanele itsatse umkayo iye naye kumphristi. Kufanele iphatsele lomfati wayo umnikelo loyimphuphu yebhali lengemalitha langaba mabili. Kufanele ingawatseli emafutsa etikwayo nome ingayifaki nemphepho etikwayo, ngobe phela loko kungumnikelo walokutinhlavu lonikelelwa sikhwele. Lomnikelo wentelwe kutsi liciniso liphumele ebaleni.

Numeri 5:18

Utawutsi umphristi angemisa lomfati embikwaSimakadze, bese umtfukulula tinwele takhe afake etandleni talomfati umnikelo walokutinhlavu lekungewesikhumbuto sesikhwele, lomphristi utawube aphetse lamanti lababako laletsa sicalekiso.

Numeri 5:24

Utawube sewunatsisa lomfati lamanti lababako laletsa sicalekiso; lamanti esicalekiso atawutsi angangena kuye avete buhlungu lobesabekako.

Numeri 5:26

Umphristi utawube sewutsatsa lelibinta lemnikelo walokutinhlavu wemphuphu kube ngumnikelo wesikhumbuto, awushise elatini; emvakwaloko-ke, sanganatsisa lomfati lamanti.