Numeri 5:21 - Siswati 1996 Bible

²¹ bese umphristi ufungisa lomfati ngesicalekiso atsi kuye: “Shangatsi Simakadze angenta bantfu bakini bakucalekise, baphindze bakusole. Shangatsi angashwaphanisa ematsanga akho, akhukhumukise nesisu sakho.

Numeri 5:21 Referencias Cruzadas

2 Tikhronike 21:15

Kwawena nje cobo lwakho utawugulela kufa, uphatfwe sifo lesingelapheki sekuphuma kancane kancane kwematfumbu lasanetilondza.’ ”

Nehemiya 10:29

bonkhe-ke labo bahlanganyela nabomnakabo nebahlonishwa babo, batibopha ngesicalekiso nangesifungo kutsi batawulandzela kahle umtsetfo waNkulunkulu labanika wona ngaMosi, inceku yaNkulunkulu, kuyilalela yonkhe imiyalo nemihambo kanye netimiso taSimakadze longuNkulunkulu wabo.

Taga 10:7

Kukhunjulwa kwemuntfu lolungile kuyawuba sibusiso; kodvwa libito lalomubi liyawubhubha.

Isaya 65:15

Libito lenu niyawulishiya kulabakhetsiwe bami libe sicalekiso: iNkhosi Simakadze iyawunibulala. Kodvwa tinceku tayo iyawutinika lelinye libito.

Jeremiya 29:22

Ngenca yabo, bonkhe labatfunjiwe labesuka kaJuda labaseBhabhulona bayawusebentisa lesicalekiso, batsi: “Simakadze akakulingise boSedekiya na-Ahabi labashiswa yinkhosi yaseBhabhulona ngemlilo.”

Numeri 5:27

Nangabe lomfati utingcolisile wangete wetsembeka endvodzeni yakhe, waphinga nalenye indvodza, lamanti esicalekiso lanatsiswe wona ngumphristi atawutsi angangena kuye amvetele buhlungu lobukhulu: abe nebunyumba, abe nesinye lesikhipha tisu, abe sicalekiso emkhatsini wesive sakubo.

Matewu 26:74

Phetro wacala kuticalekisa nekufunga watsi: “Angimati lomuntfu!” Asasho njalo lakhala lichudze.

Joshuwa 6:26

Ngaso leso sikhatsi Joshuwa wakhipha sifungo lesimatima, watsi: “Wonkhe lowetama kuvusa lelidolobha, iJerikho, uyawucalekiswa embikwaSimakadze: “ ‘Uyawufelwa yindvodzana lelitubulo lakhe, nakabeka leto tisekelo talo; afelwe ngumntfwanakhe losemncane, nakafaka emasango alo.’ ”

1 Samuweli 14:24

Emadvodza aka-Israyeli abaselusizini ngalelo langa, ngobe Sawula abesabophe sonkhe sive ngesifungo watsi: “Akacalekiswe umuntfu lotakudla lilanga lisengakashoni, nami ngingakatiphindziseli etitseni tami!” Ngako kute nome munye lowake wanambitsa kudla kulamabutfo.