Numeri 35:8 - Siswati 1996 Bible

⁸ Lamadolobha lenitawanika emaLevi kulelive lelabelwe ema-Israyeli kufanele alingane nalelo live laleso naleso sive ngebukhulu nangebuncane baso: Tsatsani emadolobha lamanyenti kuleso sive lesikhulu, kodvwa nitsatse emadolobha lambalwa kuleso sive lesincane.”

Numeri 35:8 Referencias Cruzadas

Genesisi 49:7

Intfukutselo yenu ayicalekiswe, ngobe iyesabeka; nelulaka lwenu lucalekiswe, ngobe lunelunya. Niyawusakateka nalo lonkhe lakaJakobe, nicitseke nalo lonkhe laka-Israyeli.

2 Tikhronike 11:14

EmaLevi adzimate ashiya onkhe emadlelo awo nemafa awo, aya kaJuda naseJerusalema, ngobe Jerobowamu kanye nemadvodzana akhe abesavele abacoshile ekutseni babe baphristi baSimakadze.

Eksodusi 16:18

Batsi nase bakukala ngesikali lesingemalitha labengaba mabili, bakhandza kutsi lobekabutse kakhudlwana akasalelwanga lutfo, nalobekabutse kancane akazange eswele. Ngulowo nalowo bekabutse loko bekakudzinga.

Levithikusi 25:32

EmaLevi wona ayawuba nelilungelo lekuhlenga tindlu tawo nome ngunini kulawo madolobha lasesandleni sawo.

Numeri 26:54

Sive lesinebantfu labanyenti usabele lifa lelikhulu, sive lesinebantfu labambalwa usabele lifa lelincane. Nguleso naleso sive siyawukwabelwa lifa laso kuye ngebunyenti balawo mabito labhalwe phansi.

Numeri 33:54

Lelive nibolabelana ngenkatho kulolo nakulolo lusendvo. Sive lesinebantfu labanyenti nibabele lifa lelikhulu, kanjalo nakulabo labasive lesincane nibabele lelincane. Nome ngabe yini labayitfole ngenkatho kuyawuba kwabo. Lelive nibolabelana ngekwetive tenu.

Numeri 35:9

Simakadze wakhuluma kuMosi, watsi: