Numeri 35:33 - Siswati 1996 Bible

³³ Ningalingcolisi lelive lenikulo. Kucitsa ingati kuyalingcolisa live, nenhlawulo yekubuyisana naSimakadze ingeke yentelwe live, lapho kucitselwe khona ingati, ngaphandle kwengati yalowo lobulele.

Numeri 35:33 Referencias Cruzadas

Genesisi 4:10

Simakadze watsi kuye: “Wenteni? Livi lengati yemnakenu liyakhala kimi, lisemhlabatsini.

Genesisi 9:6

“Locitsa ingati yalomunye umuntfu, neyakhe iyawucitfwa ngulabanye bantfu, ngobe Nkulunkulu wamenta umuntfu waba ngumfanekiso wakhe.

2 Samuweli 21:9

Wabaniketela kubantfu baseGibeyoni lababatsatsa bababulala; babalengisa entsabeni embikwaSimakadze. Babulawelwa khona bonkhe bobasikhombisa. Babulawa ngemalanga anakucalwa kuvuna, ngaso leso sikhatsi nakucala kuvunwa ibhali.

2 Samuweli 3:29

Shangatsi licala lengati yakhe lingaba setikwenhloko yaJowabe kanye nendlu yeyise! Shangatsi indlu yaJowabe ingete yahlala ingenaye umuntfu lonesilondza lesincincako nome lonalokusabulephelo, nome lohamba ngetimboko, nome lobulawa ngenkemba, nome loswele kudla.”

1 Emakhosi 2:31

Inkhosi yatfumela Bhenaya yatsi: “Yenta njengobe asho. Mbulale, bese uyamngcwaba, khona kungetiwuba khona nome munye endlini yababe loyawuba nelicala lengati lengenacala ngalabantfu lababulawa nguJowabe.

2 Emakhosi 23:26

Noko nome kunjalo, Simakadze akazange agucuke ekufutsekeni kwentfukutselo yakhe leyavutsela Juda ngenca yako konkhe Manase lakwenta kwamtfukutselisa.

2 Emakhosi 24:4

kanye nekucitsa kwakhe ingati leyayingenacala, ngobe phela iJerusalema yayigcwele ingati yebantfu lababengenacala. Simakadze abengakatimiseli kutsetselela Manase ngaloko.

2 Tikhronike 23:15

Ngako bambhadzama nje, nakatsi bona aphume ngeLisango Lelihhashi khona njalo emabaleni asesigodlweni, bambulalela khona lapho.

Tihlabelelo 106:28

Base batihlanganisa nalababekhonta sithico lesasinguBhali wasePheyori, badla lokwakuhlatjelwe labaphansi,

Tihlabelelo 106:38

Bacitsa ingati lete licala, ingati yemadvodzana abo nemadvodzakati abo, labawahlabela tithico taseKhenani; ngaloko bangcolisa lonkhe live ngengati.

Isaya 24:5

Umhlaba ungcoliswe bantfu bawo. Umtsetfo waNkulunkulu abawulalelanga, bephule imiyalo, bephula sivumelwane saphakadze.

Isaya 26:21

Bukani, Simakadze uphumela ngephandle kwendzawo yakhe yekuhlala, utewujezisa tive temhlaba ngenca yetono tato. Umhlaba utawuveta ebaleni yonkhe ingati leyacitsekela kuwo, lababulewe kuwo ungeke usabafihla.

Jeremiya 16:18

Ngitabaphindzisela ngalokuphindziwe ngenca yetono tabo nangebubi babo, ngobe balingcolisile live lami ngetinhlobonhlobo tetitfombe tabo letingenamphefumulo, bagcwalisa lifa lami ngetithico tabo letinengekako.”

Jeremiya 26:15

Noko kufanele nati nekwati, nikhumbule kutsi nangabe ningibulala, niyakwehlisela licala lengati lengenacala etikwenu, nasetikwalelidolobha, nasetikwalabo labahlala kulo, ngobe ecinisweni, nguSimakadze longitfume kini kutawukhuluma onkhe lamavi etindlebeni tenu niva.”

Levithikusi 18:25

Ngisho nelive imbala selangcoliseka; ngako ngalijezisela leso sono salo, lelive lavele latihlanta leto takhamiti talo.

Mikha 4:11

Tive letinyenti setibutsanele kuhlasela nine. Titsi: “IJerusalema imelwe kutsi ibhujiswe. Sitawubona tibondza taseSiyoni setibhidlitiwe!”

Numeri 35:32

Ningayemukeli inhlawulo yemuntfu lobalekele edolobheni lekukhosela ngekutsi nimvumele kutsi abuyele ayewuhlala eveni lakhe, umPhristi Lomkhulu asengakafi.

Dutheronomi 19:10

Loko nibokwenta khona kutewutsi ingati lete licala ingetiwucitselwa lite eveni lenu, Simakadze Nkulunkulu wenu lanipha lona kutsi libe lifa lenu, kuze nani ningabi nacala lekucitsa ingati.

Dutheronomi 19:13

Lowo muntfu ningamhawukeli. Kufanele kukhishwe kuphele ka-Israyeli kucitsa ingati lengenacala, khona kutawunihambela kahle.”

Dutheronomi 21:23

akukafaneli leso sidvumbu sakhe sisale silenga kulolugodvo busuku bonkhe. Caphelani kutsi nimngcwabe ngalelo langa, ngobe wonkhe lolengiswa elugodvweni ungaphansi kwesicalekiso saNkulunkulu. Ningalingcolisi lelo live Simakadze Nkulunkulu wenu lanipha lona kutsi libe lifa lenu.”

Tikhulu 9:24

Nkulunkulu wakwenta loku kuze kutsi licala lekubulawa kwemadvodzana aJerubhali labengema-70, nekucitseka kwengati yabo, kuphindziselwe kumnakabo labengu-Abimeleki kanye nakuto takhamiti taseShekhemu, letatingutona tamsita nakabulala bomnakabo.