Numeri 35:20 - Siswati 1996 Bible

²⁰ “ ‘Nangabe umuntfu atondza lomunye, adzimate ambulale ngekumchilitela phansi nome ambulale ngekumjikijela ngentfo acondze kumbulala, nembala afe,

Numeri 35:20 Referencias Cruzadas

Genesisi 4:5

kepha Khayini nemnikelo wakhe akazange amnake. Ngako-ke Khayini watfukutsela kakhulu; buso bakhe banyukumala, bahlwa.

Genesisi 4:8

Khayini wase utsi ku-Abela, umnakabo: “Asambe, siye etsafeni.” Batsi kube befike etsafeni, Khayini wesukela umnakabo, wambulala.

2 Samuweli 13:22

Absalomu akazange akhulume ngisho nalelilodvwa livi lelihle nome lelibi ku-Amnoni. Watondza Amnoni, ngobe abehlazise dzadzewabo longuThamari.

2 Samuweli 20:10

Amasa abengakayicapheli lenkemba leyayisesandleni saJowabe, Jowabe wayiphisela esiswini sa-Amasa, ematfumbu akhe acitsekela phansi emhlabatsini. Angakamphindzi kabili kumgwaza, wavele waphangalala Amasa. BoJowabe na-Abishayi, umnakabo, bachubeka bacosha Sheba, umsa waBikri.

2 Samuweli 3:27

Watsi kube Abneri efike eHebroni, Jowabe wamdvonsela nganhlanye esangweni, kwaba shangatsi kukhona lafuna kutsi akukhulume ngasemasitseleni. Khona lapho, wabe sewumgwaza esiswini, wafa. Ngako Abneri wabulawelwa kutsi naye abebulale Asaheli, umnakaboJowabe.

Tihlabelelo 11:2

Ase ubuke nje kutsi lababi babhace ebumnyameni lapho bantsala butjoki khona, baciphe imicibisholo yabo kubo, khona batewudubula labacotfo ngenhlitiyo.

Eksodusi 21:14

Kodvwa nangabe umuntfu ahlasele lomunye umuntfu wambulala ngemabomu, nome asabaleke wayawukhosela elatini lami, nibomsusa kulo nimbulale.

Taga 26:24

Umuntfu lotentisako ukhuluma kamnandzi, kantsi enhlitiyweni yakhe ufihle kuyengana.

Taga 28:17

Umuntfu nakanelicala lekubulala, myekele abaleke aze afe.

Numeri 35:19

Umphindziseli losihlobo sengati semufi nasihlangana nalombulali, siyawumbulala.

Numeri 35:21

nome atfukutsele wamshaya wambulala ngesibhakela, lowo muntfu uyawubulawa; ungumbulali. Umphindziseli losihlobo semufi utawutsi angahlangana nalombulali ambulale.

Makho 6:19

Nguko-ke Herodiyasi waba nemagcubu naJohane, afisa kutsi abulawe, kodvwa abete indlela.

Lukha 4:29

basukuma ngekutfukutsela, bamcosha kulelidolobha bamcondzisa esiweni salentsaba, lapho belakhiwe khona, bentela kumhholokoshisela kuso,

Imisebenti yebaPhostoli 20:3

lapho ahlala khona tinyanga letintsatfu. Besalungisela kuya eSiriya ngemkhumbi, nakeva kutsi emaJuda afuna kumbulala, wase ubona kutsi kuncono abuyele emuva ahambe ngaseMasedoniya.

Imisebenti yebaPhostoli 23:21

Kodvwa ungavumi, ngobe kukhona emadvodza langetulu kwema-40 latawube amlalele endleleni atembulala. Asente nesifungo kutsi angeke akudle kudla, nekunatsa angeke anatse angakabulali Pawula. Njengamanje nje, asalungele kukwenta loko, aseme ngawe nje kutsi eve kutsi wena utsini.”

Dutheronomi 19:11

“Kodvwa nangabe umuntfu atondza makhelwane wakhe aze amlalele endleleni, amshaye ambulale, bese ubalekela kulelinye lalamadolobha,

1 Samuweli 18:25

Sawula watsi: “Nibokhuluma kuDavide nitsi: ‘Inkhosi ayidzingi lelinye lilobolo ngaphandle kwemajwabu emaFilisti lalikhulu, kuze itiphindziselele etitseni tayo.’ ” Lisu laSawula bekukutsi Davide aze afe abulawe ngemaFilisti.

1 Samuweli 20:1

Davide wesuka wabaleka eNayothi, eRama, waya kuJonathani, wafike wabuta watsi: “Sengenteni? Yini licala lami? Siyini sono sami kuyihlo kutsi angaze afune kungibulala?”

1 Samuweli 24:11

Buka, babe wami, buka nasi sicephu sengubo yakho sisesandleni sami! Ngijube umphetfo wengubo yakho, kodvwa wena ngangete ngakubulala. Yati kahle-ke nyalo, ucondzisise kutsi mine anginacala lekwenta bubi nelekumelana nawe. Mine angikakoni ngalutfo, kodvwa nguwe longitfungatsela kutsi utengibulala.