Numeri 35:2 - Siswati 1996 Bible

² “Yala ema-Israyeli kutsi abele emaLevi lawo madolobha latawuhlala kuwo kuleso sabelo lesitawuba ngesawo ema-Israyeli. Wabeleni nalawo madlelo latungelete lawo madolobha.

Numeri 35:2 Referencias Cruzadas

1 Tikhronike 13:2

Wakhuluma kulo lonkhe libandla lema-Israyeli, watsi: “Nakubonakala kukuhle kini, kantsi futsi nakuyintsandvo yaSimakadze Nkulunkulu wetfu, asitfumele livi kubo bonkhe besive sakitsi kuyo yonkhe imimango yaka-Israyeli, nakubaphristi kanye nakumaLevi labanawo emadolobheni abo lanemadlelo kutsi bete batekutihlanganisa natsi.

2 Tikhronike 11:14

EmaLevi adzimate ashiya onkhe emadlelo awo nemafa awo, aya kaJuda naseJerusalema, ngobe Jerobowamu kanye nemadvodzana akhe abesavele abacoshile ekutseni babe baphristi baSimakadze.

2 Tikhronike 31:19

Macondzana nebaphristi, titukulwane ta-Aroni, lababehlala emadolobheni abo nome emaphandleni laseceleni kwemadolobha abo, emadvodza abekhetfwa ngemabito awo kutsi ehlukanise tabelo kubo bonkhe labadvuna babo nakubo bonkhe labebabhaliwe etincwadzini temilandvo yekutalana kwemaLevi.

Nehemiya 13:10

Ngaphindze ngakhandza nekutsi emaLevi abengasanikwa tabelo tawo, ngaloko onkhe emaLevi nebahlabeli labangubona bengamele inkonzo sebatibuyelela emasimini abo.

Hezekeli 48:22

Ngako indzawo yemaLevi nendzawo yelidolobha iyawubasenkhabeni yalendzawo lengiyona iyembusi. Lendzawo yembusi iyawubasemkhatsini wemnyele wakaJuda nemnyele wakaBhenjamini.

Hezekeli 48:8

“Ngasemnyeleni welive lakaJuda, kusuka ngasemphumalanga kuye enshonalanga, kuyawuba sabelo leniyawusenta umnikelo wenu welikhetselo. Siyawuba ngemakhilomitha langaba li-12 nesigamu bubanti, budze baso kusukela emphumalanga kuye ngasenshonalanga, silingane nalesinye setabelo tetive tenu. Lithempeli liyawubasenkhabeni yalesabelo.

Numeri 35:1

Ematsafeni akaMowabi ngaseJordane macondzana neJerikho, Simakadze wakhuluma kuMosi, watsi:

Numeri 35:3

Ngako atawuba nemadolobha latawuhlala kuwo abe nemadlelo, lapho atawukhotsisa khona tifuyo tawo.

Dutheronomi 18:6

“Nangabe umLevi atfutsa kulelinye lalamadolobha enu aka-Israyeli, bese uta ngekutimisela kulendzawo Simakadze layakuyikhetsa,