Numeri 35:15 - Siswati 1996 Bible

¹⁵ Lamadolobha lasitfupha atawuba yindzawo yekukhoselisa ema-Israyeli, nebetive, nome ngubani umuntfu lohlala emkhatsini wabo, khona kutewutsi lowo lobulele umuntfu ngesiphosiso atewubalekela khona ayewukhosela.

Numeri 35:15 Referencias Cruzadas

2 Samuweli 14:14

Njengemanti lacitsekele phansi, angeke abutseke futsi, natsi kufanele sife. Kodvwa Nkulunkulu akabulali, esikhundleni saloko wenta tindlela letitsite, kuze kutsi umuntfu lodzingisiwe angahlali akhashane naye.

Eksodusi 12:49

Niyawuba nemtsetfo munye nine ma-Israyeli ekutalwa nalabo labangumsinsi wekumbelwa labakhe emkhatsini wenu.”

Levithikusi 24:22

Niyawuba nemtsetfo munye nonkhe, umuntfu wetive nome wekutalwa. NginguSimakadze, Nkulunkulu wenu.’ ”

Levithikusi 4:2

“Tjela sive sema-Israyeli utsi: ‘Nangabe umuntfu onile wephula nome ngangumuphi wemiyalo yaSimakadze, angakacondzi, kufanele ahambe ngalemitsetfo.

Numeri 15:16

Imitsetfo nemiyalo yenu iyawusebenta ngalokufananako kini nakubetive labasemkhatsini wenu.’ ”

Numeri 35:11

khetsani lamanye emadolobha kutsi atewuba ngemadolobha enu ekukhosela, lapho kungabalakela khona umuntfu, nangabe abulele lomunye umuntfu angakacondzi.

KubaseRoma 3:29

Empeleni Nkulunkulu ngabe unguNkulunkulu wemaJuda kuphela yini? Akasiye yini futsi Nkulunkulu webetive? Vele, unguNkulunkulu newebetive,

KubaseGalathiya 3:28

Kute umJuda nemGriki, kute sigcili nalokhululekile, kute lomdvuna nalomsikati, nonkhe nimunye kuKhristu Jesu.