Numeri 34:19 - Siswati 1996 Bible

¹⁹ Nankha-ke emabito abo: “Khalebi, umsa waJefune, wesive sakaJuda;

Numeri 34:19 Referencias Cruzadas

Genesisi 29:35

Waphindze wakhulelwa futsi, watala indvodzana, watsi: “Manje-ke ngitamdvumisa Simakadze.” Ngako-ke wayetsa libito watsi nguJuda, wase uyema kutala.

Genesisi 35:22

Israyeli asahleti kuleyo ndzawo, Rubeni walala nenina lomncane, Bhilha, lomunye webafati beyise. Israyeli wakuva loko. Asawonkhe emadvodzana aJakobe abelishumi namabili.

Genesisi 35:23

Emadvodzana aLeya bekuboRubeni, litubulo laJakobe, bese kuba nguSimeyoni, naLevi, naJuda, na-Isakhari, naZebuloni.

Tihlabelelo 60:7

Live laGileyadi lami, nelive laManase lami, Efrayimu usivikelo senhloko yami, Juda uyindvuku yami yebukhosi.

Numeri 13:30

Khalebi wababindzisa bonkhe bantfu embikwaMosi, wakhuluma watsi: “Asikhuphuke siyewulidla lelive, ngobe vele singakhona kulincoba.”

Numeri 13:4

Nankha-ke emabito awo: Esiveni sakaRubeni kwakunguShamuwa, umsa waZakhuri;

Numeri 13:6

esiveni sakaJuda kwakunguKhalebi, umsa waJefune;

Numeri 14:24

Kodvwa njengobe inceku yami Khalebi anemoya lowehlukile futsi ungilandzela ngenhlitiyo yakhe yonkhe, ngitamngenisa kulelive laya kulo, nebatukulu bakhe bayawulidla libe lifa labo.

Numeri 14:30

Kute nome munye wenu loyawungena kulelo live lengalifungela ngekuphakamisa sandla kutsi kutawuba likhaya lenu, ngaphandle kwaboKhalebi, umsa waJefune, kanye naJoshuwa, umsa waNuni.

Numeri 14:38

Emkhatsini walamadvodza laya kuyawuhlola lelive kwasala boJoshuwa, umsa waNuni, naKhalebi, umsa waJefune.

Numeri 14:6

Joshuwa, umsa waNuni, naKhalebi, umsa waJefune, lababehambe nalamadvodza labeyewuhlola lelive, badzabula timphahla tabo,

Numeri 26:65

Kungobe Simakadze abetjele ema-Israyeli kutsi nakanjani atawufela ehlane, ngako kwabate nome munye lowasala ngaphandle kwaboKhalebi, umsa waJefune, naJoshuwa, umsa waNuni.

Numeri 34:18

Beka umholi waleso naleso sive kutsi asisite ekwabeni lelive lelilifa lenu.

Dutheronomi 1:36

ngaphandle kwaKhalebi, umsa waJefune. Yena-ke uyakulibona, nginike yena netitukulwane takhe live lapho lunyawo lwakhe belunyatsele khona, ngobe walandzela Simakadze ngenhlitiyo yakhe yonkhe.’

Dutheronomi 33:7

NgaJuda wakhuluma watsi: “Vani, Simakadze, kukhala kwa-Juda; umletse esiveni sakhe. Ngetandla takhe uvikela indlela yakhe. Awu, bani ngumsiti wakhe etitseni takhe.”