Numeri 34:13 - Siswati 1996 Bible

¹³ Ngako Mosi wakhuluma kuma-Israyeli, watsi: “Lelive nitakwabelana ngenkatho kutsi libe lifa lenu. Simakadze uyale kutsi labelwe tive letiyimfica kanye nencenye yesive,

Numeri 34:13 Referencias Cruzadas

Genesisi 15:18

Ngalo lelo langa Simakadze wenta sivumelwane na-Abrama, watsi: “Lelive ngilinika situkulwane sakho, kusukela emfuleni waseGibhithe kuze kufike emfuleni lomkhulu iYufrathe,

Hezekeli 45:1

“ ‘Nase kwabiwa live ngenkatho kunikwa leso naleso sive lifa laso, lesinye sabelo sibohlukaniselwa Simakadze. Kufanele sibe ngemakhilomitha langaba li-12 nesigamu budze, nemakhilomitha langaba sihlanu bubanti. Yonkhe-ke leyo ndzawo iyawuba ngcwele.

Mikha 2:5

Ngako-ke nasesifikile sikhatsi sekutsi live libuyiselwe esiveni saNkulunkulu, kute namunye wenu loyawuba nesabelo kulo.

Numeri 26:52

Simakadze wakhuluma kuMosi, watsi:

Numeri 26:55

Ucaphelisise kutsi lelive labiwa ngenkatho. Nguleso naleso sive siyawukwabelwa ngangekwemabito aboyisemkhulu ngekwebuve baso.

Numeri 34:1

Simakadze wakhuluma kuMosi, watsi:

Numeri 34:12

Lomnyele utakwewuka ugudle iJordane ugcine ngeLwandle Lweluswayi. “ ‘Ngiyo lena-ke iminyele yelive lenu kuyo yonkhe leyo mihlubulo yalo.’ ”

Dutheronomi 11:24

Yonkhe indzawo lapho niyawunyatsela khona iyawuba live lenu: Kusukela ehlane kuze kube nguseLebanoni, nekusuka emfuleni iYufrathe kuze kube nguseLwandle Lwasenshonalanga.

Joshuwa 13:7

Ubolaba kube lifa, ulabele letive letiyimfica nencenye yesive sakaManase.”