Numeri 33:3 - Siswati 1996 Bible

³ Sive sema-Israyeli sesuka eRamsesi ngelilanga leli-15 lenyanga yekucala emnyakeni, lilanga lelilandzela liPhasika, ngenyanga yekucala. Baphuma ngesibindzi nangetigi emehlweni awo onkhe emaGibhithe abuka.

Numeri 33:3 Referencias Cruzadas

Genesisi 47:11

Josefa wabeka uyise nabomnakabo wabakhela eveni lelincono laseGibhithe, endzaweni levundze kakhulu, eceleni kwelidolobha laka-Ramsesi, njengobe abeyalwe nguFaro.

Tihlabelelo 105:38

EmaGibhithe ajabula ekuphumeni kwabo ngobe abesafile kubesaba.

Eksodusi 1:11

Ngako-ke emaGibhithe agcilata ema-Israyeli ngekuwabekela tindvuna letatiwashayela njengetinkhabi, tiwahlupha ngekuwetfwesa imitfwalo lematima. Ema-Israyeli akhela boFaro iPhithomu neRamsesi lekwakutingungumadolobha.

Eksodusi 12:2

“Lenyanga kufanele ibe yinyanga yekucala emnyakeni wenu.

Eksodusi 12:37

Ema-Israyeli aphuma eRamsesi; ahamba aze efika eSukhothi. Emadvodza labekhona lapho ahamba ngetinyawo abengaba ti-600 000 ngaphandle kwebafati nebantfwana.

Eksodusi 13:4

Lamuhla kulenyanga ya-Abibi niyaphuma lapha eGibhithe.

Eksodusi 14:8

Simakadze wenta inhlitiyo yaFaro yaba lukhuni. Faro waphuma nemphi yakhe wacosha ema-Israyeli labesaphumile ahamba ngesibindzi.

Isaya 52:12

Kodvwa ningeke nisuke ngekushesha, nome niphume njengalababalekako; ngobe Simakadze uyawuhamba embikwenu, Nkulunkulu wema-Israyeli uyawuba ngumvikeli wenu wangasemuva.

Mikha 2:13

Nkulunkulu uyawubavulela indlela yabo, abuye abahole abakhiphe ekutfunjweni kwabo. Bayawufohla, baphume emasangweni elidolobha bahambe bakhululekile. INkhosi yabo, Simakadze cobo lwakhe, uyawubahambela embili abakhiphe.

Numeri 33:2

Ngekuyala kwaSimakadze Mosi wabhala onkhe emabito etindzawo lapho babefike bemise khona. Nalu-ke luhambo lwaso ngetigaba talo: