Numeri 32:5 - Siswati 1996 Bible

⁵ Bachubeka batsi: “Nangabe sizuze umusa emehlweni enu, lelive alabelwe tinceku tenu kube sabelo sato. Ningaseweti umfula iJordane.”

Numeri 32:5 Referencias Cruzadas

Genesisi 19:19

Inceku yakho itfole umusa emehlweni akho, wayentela sihawu lesikhulu ngekusindzisa imphilo yayo; kodvwa ngingeke ngikwati kubalekela etintsabeni, ngobe lesijeziso singahle singijubele ngembili, bese ngiyafa.

2 Samuweli 14:22

Jowabe wakhotsamisa buso bakhe wabubhekisa phansi emhlabatsini, ahlonipha inkhosi, ayibusisa. Jowabe watsi: “Lamuhla sengiyati kutsi ngizuze umusa emehlweni akho, nkhosi yami, ngobe inkhosi isemukele sicelo senceku yayo.”

Esta 5:2

Inkhosi yatsi nayibona inkhosikati lenkhulu Esta ime ngaphandle, yajabula, yase iphakamisa indvuku yayo yegolide isho kutsi akangene. Weta wafike watsintsa sihloko salendvuku.

Jeremiya 31:2

Naku lokushiwo nguSimakadze, utsi: “Sive lesisindze enkembeni siyawuzuza umusa ehlane; ngiyawuta ngitewuletsa kuphumula ka-Israyeli.”

Numeri 32:4

live Simakadze lalincoba walinika sive sema-Israyeli, lilungele kuba ngemadlelo, kantsi tinceku takho tinemihlambi yetifuyo.”

Numeri 32:6

Mosi waphendvula lamaGadi nemaRubeni, watsi: “Nisho kutsi nine ningasala lapha, abe emabutfo akini lenishuca nawo ayekulwa imphi?

Dutheronomi 1:37

Simakadze wangitfukutselela ngenca yenu, waze watsi kimi: ‘Nawe ungeke ungene kulo.

Joshuwa 7:7

Joshuwa watsi: “Awu! Somandla Simakadze, lesive useweteleni umfula iJordane kutsi utekusinikela etandleni tema-Amori kutsi atekusibhubhisa? Maye, kube simane seneliswa kuhlala ngale ngesheya kweJordane!

Ruthe 2:10

Ruthe wakhotsamisa buso bakhe, wabonga, watsi: “Kungani ngizuze umusa longaka kuwe nekutsi unginake kangaka ngiwetive?”

1 Samuweli 20:3

Kodvwa Davide wenta sifungo, watsi: “Uyihlo uyati kutsi wena ungitsandza kanganani, waze watsi: ‘Jonathani akufanele akwati loku, ngobe angaphatseka kabi.’ Noko ngifunga ngekuphila kwaSimakadze nangekwakho kutsi sinye sinyatselo kuphela lesisemkhatsini wami nekufa.”