Numeri 32:33 - Siswati 1996 Bible

³³ Ngako-ke Mosi emaGadi nemaRubeni nencenye yesive sakaManase, umsa waJosefa, wawabela live lembuso wakaSihoni, inkhosi yema-Amori, nelaka-Ogi, inkhosi yaseBhashani, lonkhe lelo live nemadolobha alo nemave lakhelene nalo.

Numeri 32:33 Referencias Cruzadas

1 Tikhronike 12:31

emadvodza encenye yesive sakaManase, labebitwe ngemabito awo kutsi ete atewubeka Davide kutsi abe yinkhosi, abeti-18 000;

1 Tikhronike 26:32

Jeriya abenetihlobo letatiti-2 700, lekwakungemadvodza labenelikhono abaholi bemindeni, Davide wababeka kutsi baphatse bakaRubeni nebakaGadi kanye nencenye yesive sakaManase, kuyo yonkhe intfo nome indzaba yaNkulunkulu nome nguloko lokwakucondzene nenkhosi.

1 Tikhronike 5:18

Sive sakaRubeni nesakaGadi kanye nencenye yesive sakaManase tatinemadvodza labeti-44 760, labengangenela umbutfo wemphi, imiswahla leyayihloma ngelihawu nangenkemba, ikwati nekusebentisa butjoki, ngobe yayivele iceceshelwe kulwa imphi.

Numeri 32:1

EmaRubeni nemaGadi labenemihlambi lemikhulu yetinkhomo, netimvu, netimbuti abona ematsafa aseJazeri naseGileyadi kutsi abelungele kuba ngemadlelo.

Numeri 32:32

Sitakwewela sihlomile embikwaSimakadze siye eKhenani, kodvwa live lelilifa letfu lesilidlile litawuba mshiya ngalo kweJordane.”

Numeri 34:14

ngobe imindeni yesive sakaRubeni, nesive sakaGadi, nencenye yesive sakaManase seyilemukele lifa lato.

Numeri 34:15

Letive letimbili nencenye setilemukele lifa lato, ngasemphumalanga yemfula iJordane, malungana neJerikho kubheka ngasemphumalanga.”

Dutheronomi 29:8

Sadla live labo salinika sive sakaRubeni nesakaGadi kanye nencenye yesive sakaManase kutsi libe labo.

Joshuwa 12:1

Lawa-ke ngemakhosi elive lancotjwa ngema-Israyeli nelive lawo lelalingasemphumalanga neJordane alidla, kusukela eSihosheni sase-Anoni kuya eNtsabeni iHemoni, kanye nayo yonkhe i-Arabha kuye ngasemphumalanga kwayo:

Joshuwa 12:6

BoMosi, inceku yaSimakadze, kanye nema-Israyeli bawancoba lawo makhosi lamabili. Mosi, inceku yaSimakadze, live walinika sive sakaRubeni, nesakaGadi kanye nencenye yesive sakaManase kutsi kube sabelo sato.

Joshuwa 14:3

Mosi letive letimbili nencenye abesatabele lifa lato ngasemphumalanga neJordane; kodvwa akazange emaLevi awabele lifa emkhatsini wato,

Joshuwa 22:4

Manje Simakadze Nkulunkulu wenu sewunike labanakenu kuphumula, njengobe etsembisa, ncandzekani nibuyele emakhaya enu eveni lenabelwa lona nguMosi, inceku yaSimakadze, ngesheya kweJordane.

Joshuwa 22:7

Lencenye yesive sakaManase Mosi abeyabele live laseBhashani, kwase kutsi lena lenye incenye yona wayabela live ngasenshonalanga kweJordane kanye nabomnakabo. Watsi kube Joshuwa ababuyisele ekhaya, wababusisa,

1 Samuweli 13:7

Lamanye emaHebheru adzimate ewela nemfula iJordane aya eveni lakaGadi nelakaGileyadi. Sawula wahlala khona eGilgali kanye nemabutfo akhe onkhe labemlandzela, atfutfumela ngenca yekwesaba.