Numeri 32:29 - Siswati 1996 Bible

²⁹ Wakhuluma watsi kubo: “Nangabe emaGadi nemaRubeni, onkhe emadvodza lahlomele imphi, ewelela nani ngesheya kweJordane embikwaSimakadze, nitawutsi lelive nase nilitfumbile, bese nibanika live lakaGileyadi kutsi libe labo.

Numeri 32:29 Referencias Cruzadas

Numeri 32:17

Kodvwa tsine silungele kutsi sihlome sihambe embili kwema-Israyeli, size siwafikise eveni lawo. Ngaleso sikhatsi bafati betfu nebantfwabetfu batawube bahleti emadolobheni lavikelekile, kuze bavikeleke baphephe kulabantfu balelive.

Numeri 32:28

Ngako-ke Mosi wanika imiyalo ngabo ku-Eleyazare, umphristi, nakuJoshuwa, umsa waNuni, nakubaholi betive tema-Israyeli.

Numeri 32:30

Kodvwa nabangaweli kanye nani bahlomile, kufanele bemukele sabelo sabo kanye nani eKhenani.”

Joshuwa 12:6

BoMosi, inceku yaSimakadze, kanye nema-Israyeli bawancoba lawo makhosi lamabili. Mosi, inceku yaSimakadze, live walinika sive sakaRubeni, nesakaGadi kanye nencenye yesive sakaManase kutsi kube sabelo sato.

Joshuwa 13:11

Laliphindze lifake ekhatsi iGileyadi, nelive lesive sakaGeshuri nesakaMakha, nayo yonkhe iNtsaba iHemoni, nalo lonkhe laseBhashani, kuze kuyewufika eSalekha;

Joshuwa 14:3

Mosi letive letimbili nencenye abesatabele lifa lato ngasemphumalanga neJordane; kodvwa akazange emaLevi awabele lifa emkhatsini wato,

Joshuwa 18:7

EmaLevi wona, angeke asitfole sabelo emkhatsini wenu, ngobe kukhonta kwabo kwebuphristi embikwaSimakadze kusabelo sabo. BakaGadi nebakaRubeni nencenye yesive sakaManase bona sebalemukele lifa labo ngasemphumalanga neJordane. Mosi, inceku yaSimakadze, wabanika lona.”

Joshuwa 22:9

Ngako sive sakaRubeni, nesakaGadi, nencenye yesive sakaManase tashiya ema-Israyeli eShilo eKhenani, tabuyela eGileyadi, eveni lato, letatilitfole ngekwemyalo waSimakadze ngaMosi.

Tikhulu 10:3

Thola walandzelwa nguJayire wakaGileyadi, lowahola sive sema-Israyeli iminyaka lengema-22.

1 Samuweli 18:17

Sawula wakhuluma kuDavide, watsi: “Nansi indvodzakati yami yematubulo, Merabi. Ngitakwendzisela yona, nawungamane nje uhlehle lapha kimi, ulwe timphi taSimakadze.” Sawula abecabange watsi: “Ngingeke ngisibeke sandla sami etikwakhe. Akabulawe ngemaFilisti.”