Numeri 32:23 - Siswati 1996 Bible

²³ Kodvwa naningakwenti loko, niyona kuSimakadze, futsi-ke nibociniseka-ke kutsi salakutjelwa sibona ngemopho.

Numeri 32:23 Referencias Cruzadas

Genesisi 13:13

Kepha bantfu baseSodoma babekhohlakele, bona kakhulu kuSimakadze.

Genesisi 4:7

Angitsi nawenta lokulungile, uyemukeleka? Nawungenti lokulungile, sono siyakucatsamela ngasemnyango. Sifuna wena, kodvwa wena kufanele usincobe.”

Genesisi 44:16

Juda waphendvula watsi: “Kute lesingahle sikusho kuwe, nkhosi yami. Singakhulumani nje? Singaphikani nje? Nkulunkulu sewulembulile licala letfu. Sonkhe sesitigcili tenkhosi yami, tsine sonkhe kanye nalona lekutfolakale kuye indzebe.”

2 Samuweli 3:39

Lamuhla mine nome sengigcotjiwe, kodvwa angikacini, lamadvodzana aSeruya atidlova. Shangatsi Simakadze angamkhokhisa lomubi ngetento takhe letimbi!”

1 Emakhosi 2:32

Simakadze utamkhokhisa lengati layicitsa; ngaphandle kwemvume yababe Davide, wabulala emadvodza lamabili ngenkemba. Bobabili, bo-Abneri, umsa waNeri, indvuna yemphi yaka-Israyeli, na-Amasa, umsa waJetheri, indvuna yemphi yakaJuda, babencono, bacotfo kakhulu kunaye.

1 Emakhosi 2:33

Shangatsi licala lekucitfwa kwengati yabo lingaba setikwenhloko yaJowabe nasetitukulwane takhe phakadze naphakadze; kodvwa Davide netitukulwane takhe, nendlu yakhe, nesihlalo sakhe sebukhosi kuyakuba nekuthula kwaSimakadze phakadze naphakadze.”

Tihlabelelo 139:11

Nome bengingatsi: “Bumnyama abungisibekele, kukhanya kugucuke kube busuku lobungitungeletile,”

Tihlabelelo 140:11

Shangatsi labo labacambela labanye emanga, bangete baphumelela. Shangatsi bubi bungahlasela tidlova.

Tihlabelelo 90:8

Bubi betfu busembikwakho, tono tetfu letifihlakele tisekukhanyeni kwebuso bakho.

Taga 13:21

Lishwa licoshana nesoni; kodvwa imphumelelo ingumvuzo walolungile.

Taga 24:16

ngobe nome lolungile angawa emahlandla lasikhombisa, noko uyawuvuka; kodvwa lababi bayawubhubha.

Taga 5:22

Imisebenti yemuntfu lomubi ilugibe, ubanjwa elugibeni lwesono sakhe.

Isaya 3:11

Maye kulababi! Inhlekelele isetikwabo! Kuyawuphindziselwa kubo njengekwenta kwetandla tabo.

Isaya 59:12

Tiphambuko tetfu tinyenti emehlweni akho, netono tetfu tiyasimangalela. Tiphambuko tetfu tikitsi njalo nje, kona kwetfu siyakuvuma:

Jona 1:7

Ematilosi emkhumbi akhuluma odvwana, atsi: “Wotani, sitekwenta inkatho sibone kutsi ngubani lona losidvonsele lomkhokha.” Ngako-ke base benta inkatho; inkatho yadla Jona.

KubaseRoma 2:9

Kuyawuba khona kuhlupheka nebuhlungu lobumatima kubo bonkhe bantfu labenta lokubi, kucale kumaJuda bese kulandzela betive.

1 kubaseKorinthe 4:5

Ngako-ke ningacali kwehlulela lutfo sikhatsi singakefiki, neNkhosi ingakefiki. Ngiyo leyawuveta ekukhanyeni lokufihlakele ebumnyameni, ivete ebaleni imicabango yetinhlitiyo. Lapho-ke ngulowo nalowo muntfu uyawutfola kubongwa lokuvela kuNkulunkulu.

Joshuwa 7:18

Joshuwa waletsa umndeni wakhe ngembili, indvodza ngendvodza; kwaze kwatsatfwa Akhani, umsa waKhami, umsa waZabdi longuZimri, umsa waZera, wesive sakaJuda.