Numeri 32:13 - Siswati 1996 Bible

¹³ Intfukutselo yaSimakadze yavutsela sive sema-Israyeli, wasenta sazulazula ehlane iminyaka lengema-40, saze safa saphela sonkhe leso situkulwane lesasente lokubi embikwaSimakadze.

Numeri 32:13 Referencias Cruzadas

Tihlabelelo 107:4

Labanye bazulazula ehlane, kalashameshame, kepha abazange batfole ngisho nemuti wekungenisa.

Tihlabelelo 78:33

Ngako wenta kutsi emalanga abo endlule ashabalale njengemoya, neminyaka yabo yacedvwa tehlakalo.

Tihlabelelo 95:10

Iminyaka lengemashumi lamane nganengwa nguleso sive, ngadzimate ngatsi: ‘Basive, lesinhlitiyo yaso yedukile, abaticaphelanga tindlela tami.’

Eksodusi 16:35

Ema-Israyeli aphila ngekudla imana iminyaka lengema-40, adzimate efika eveni lelalakhelwe bantfu; adla imana adzimate efika emnyeleni welive laseKhenani.

Amose 2:10

“Mine futsi nganikhipha eGibhithe, nganihola iminyaka lengema-40 ehlane, ngentela kuninika live lema-Amori.

Amose 2:9

“Kepha mine ngawabhubhisa ema-Amori embikwenu, nome abemadze njengemisedari acine njengema-okhi. Ngabhubhisa netitselo tawo ngetulu netimphandze tawo ngaphansi.

Numeri 14:32

Kodvwa nine nitawufela lapha ehlane.

1 kubaseKorinthe 10:5

Nome kunjalo, linyenti labo alimjabulisanga Nkulunkulu, ngako labhubhela ehlane.

Dutheronomi 2:7

“Simakadze Nkulunkulu wenu unibusisile ngayo yonkhe imisebenti yenu yetandla leniyentako. Uninakekele ngesikhatsi nisahamba nidzabula lelihlane lelikhulukati. Kuyo yonkhe leminyaka lengema-40 Simakadze Nkulunkulu wenu abesolomane anani, anizange seneswele lutfo.

Tikhulu 2:14

Intfukutselo yaSimakadze yabavutsela baka-Israyeli, wabanikela etandleni tebaphangi, tabaphanga. Wabanikela etandleni tetitsa tabo letatibatungeletile, bangabe basakwati ngisho nekutivikela kuto.

Tikhulu 2:20

Ngako Simakadze wasitfukutselela kakhulu sive sema-Israyeli, watsi: “Njengobe lesive sisephulile sivumelwane lengasibekela boyisemkhulu, futsi asikangilaleli,