Numeri 31:28 - Siswati 1996 Bible

²⁸ Kulamabutfo labekayile emphini niyakwehlukanisela Simakadze kube kunye lokusibongo senu emakhulwini lasihlanu: ebantfu, newetinkhomo, newetimbongolo, newetimvu, kanye newetimbuti.

Numeri 31:28 Referencias Cruzadas

Genesisi 14:20

Akabongwe Nkulunkulu Losetikwako Konkhe lonikete letitsa takho entsendzeni yesandla sakho.” Abrama wanika Melkhisedeki kwelishumi kwako konkhe.

1 Tikhronike 18:11

Inkhosi Davide letintfo yatinikela kuSimakadze, njengobe beyentile nangaleti tesiliva, nangetegolide letatiphuma kuto tonkhe letive beyitincobile yatitfumba: ema-Edomu, nemaMowabi, nema-Amoni, nemaFilisti kanye nema-Amaleki.

2 Tikhronike 15:11

Ngaleso sikhatsi banikela kuSimakadze tinkhomo letingema-700, netimvu netimbuti letiti-7 000 letatiphangwe etimphini.

Isaya 18:7

Ngaleso sikhatsi tipho tiyakwetfulwa kuSimakadze longuSomandla, letiphuma esiveni lesibantfu baso babadze, kantsi banesikhumba semtimba lesibusheleleti, sive lesesatjwa kuyo yonkhe indzawo, sive lesineluchweba nelulwimi lolungatiwa, sive lesilive laso lehlukaniswe ngimifula. Letipho tiyawumikiswa entsabeni iSiyoni, indzawo yeLibito laSimakadze longuSomandla.

Isaya 23:18

Noko inzuzo yayo nemali yayo leyitfolako ingeke ibutsiswe ndzawonye, kodvwa iyakwehlukaniselwa Simakadze. Iyakwabelwa labo labakhonta Simakadze, babe nekudla lokunyenti netimphahla letinhle.

Isaya 60:9

Nayi imikhumbi yetichingi icondza kimi, kuhamba embili imikhumbi yaseThashishi, iletse emadvodzana akho laphuma khashane labuya nesiliva negolide yawo, atewudvumisa Simakadze Nkulunkulu wakho, longuLongcwele waka-Israyeli, ngobe ukwetfwese inkhatimulo.

Numeri 18:21

“Konkhe kwelishumi ngikupha emaLevi kuma-Israyeli, kutsi kube lifa lawo kulowo msebenti lawentako asakhonta kulomsebenti wabo ethendeni lekuhlangana.

Numeri 18:26

“Khuluma kumaLevi utsi: ‘Nanemukela kuma-Israyeli kwelishumi lokulifa lenu lenginipha lona, nani kufanele ninikele kwelishumi kwaloko kwelishumi kube ngumnikelo waSimakadze.

Numeri 31:29

Niyawutsatsa lesibongo encenyeni yabo nisinike Eleyazare, umphristi, sibe sabelo saSimakadze.

Numeri 31:30

Encenyeni yema-Israyeli niyakwehlukanisa kunye emashumini lasihlanu: ebantfu, newetinkhomo, newetimbongolo, newetimvu, newetimbuti, nome-ke aletinye nje tilwane. Niyakukunika emaLevi lekunguwona anakekela tintfo tasendzaweni lengcwelengcwele.”

Numeri 31:47

Kulencenye yesive Mosi wehlukanisa kunye kuwo onkhe ema-50 ebantfu newetilwane, njengobe Simakadze abemyalile; wakuniketa emaLevi labenguwona anakekela indzawo lengcwelengcwele yaSimakadze.

Matewu 22:21

Bamphendvula batsi: “KwaKhesari.” Ngako watsi kubo: “Yebo-ke, nikani Khesari lokukwaKhesari; ninike Nkulunkulu lokukwaNkulunkulu!”

Joshuwa 6:19

Yonkhe igolide, nesiliva kanye netintfo letentiwe ngelitfusi nangensimbi tehlukaniselwe Simakadze, ngako kufanele timikiswe endlini yakhe yengcebo.”

Joshuwa 6:24

Lonkhe lidolobha nako konkhe lokusekhatsi bakushisa ngemlilo; kodvwa isiliva, negolide, netitja telitfusi netensimbi bakufaka endlini yengcebo yaSimakadze.

Joshuwa 9:27

Ngalelo langa wenta emaGibeyoni aba babandzi betinkhuni nebakheleli bemanti besive sonkhe sema-Israyeli nelilati laSimakadze endzaweni lekhetfwe nguSimakadze. Nguloko labangiko kona ngisho nalamuhla loku.